Piatkievič pryciahnuli ŭ Administracyju, kab jana kuryravała pieraabrańnie Łukašenki — krynicy
Surazmoŭcy «Našaj Nivy», jakich zahadzia pryznačajuć u vybarčyja kamisii, upeŭnienyja, što Natalla Piatkievič paklikanaja na pasadu pieršaj namieśnicy kiraŭnika Administracyi Łukašenki dla elehantnaha praviadzieńnia vybarčaj kampanii — 2025. Jana budzie adkazvać za kadry, kab nie paŭtaryć pravał 2020-ha.
Pra toje, što Natallu Piatkievič pryznačanaja ŭ Administracyju Łukašenki hałoŭnaj pa vybarach-2025, našy surazmoŭcy zrabili vysnovu pa niekalkich profilnych mierapryjemstvach, u jakich jany ŭdzielničali.
Našy surazmoŭcy śćviardžajuć, što čynoŭnica ŭžo raspačała vykanańnie hetych funkcyj. Joj prypisvajuć zadaču naboru i kantrolu kadraŭ, jakija buduć zadziejničanyja ŭ falsifikacyjnym pracesie na vybarach. A kiraŭnik CVK Ihar Karpienka, maŭlaŭ, budzie naŭprost joj padspravazdačny.
«Chacia vybarčuju kampaniju 2025 repietavali na parłamienckich vybarach i refierendumie, usio adno jany bačać masu ryzyk.
U 2020 ža, pa sutnaści, adbyłasia katastrofa: mnohija kamisii na miescach pryznali pieramohu Cichanoŭskaj, CVK nazvała inšyja ličby. I z hetaha pajšło sutyknieńnie ŭ hramadstvie.
Ciapier ža zadača takaja, jak ja razumieju, kab nie było navat 1% šansu, što niedzie kamisija pojdzie suprać Łukašenki.
A heta vialikaja kadravaja rabota. Užo pa ŭsich prykmietach jasna, što hałoŭnaja ŭ hetym budzie Piatkievič», — skazaŭ infarmavany dziaržsłužačy, jaki budzie členam kamisii na prezidenckich vybarach 2025-ha.
Inšy surazmoŭca z adnaho z abłvykankamaŭ trymajecca padobnaha ž mierkavańnia, advodziačy Piatkievič rolu čałavieka, da jakoha budzie ściakacca ŭsia «biahučka» pa vybarach: ad padboru kadraŭ da jakaści zboru podpisaŭ. Maŭlaŭ, tradycyjna raniej hetyja danyja išli ŭ Administracyju Łukašenki, a paśla pierastanovak tam prosta nie vidać inšaj kandydatury, jakaja b za heta adkazvała.
«Zaŭsiody kiraŭnik Administracyi faktyčna źjaŭlajecca sapraŭdnym kiraŭnikom štaba Łukašenki ŭ dapaŭnieńnie da naminalnaha. Ale pakul nijakich rasparadžeńniaŭ pra takuju rabotu ź Dźmitryjem Krutym nie pastupała, usio zamykajecca na Piatkievič», — skazaŭ nam čynoŭnik.
«Naša Niva» — bastyjon biełaruščyny
PADTRYMAĆCiapier čytajuć
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali24
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłota ŭ Kranštacie4141
Kamientary