Novy ministr zamiežnych spraŭ pieršy piersanalny vizit ździajśniaje ŭ Kitaj
Maksim Ryžankoŭ naviedvaje KNR z aficyjnym vizitam z 6 pa 9 lipienia pa zaprašeńni ministra zamiežnych spraŭ Kitaja Van I.
Ryžankoŭ znachodziŭsia na samicie ŠAS u Astanie, dzie pravioŭ niekalki sustreč z kalehami, u tym liku ź ministram zamiežnych spraŭ Rasii Siarhiejem Łaŭrovym.
U stalicy Kazachstana biełaruski ministr padzialiŭsia z žurnalistami padrabiaznaściami prahramy svajho vizitu ŭ Kitaj, piša BiełTA.
Majucca być pratakolnyja, ale važnyja aficyjnyja mierapryjemstvy, źviazanyja z uračystym uźniaćciem dziaržaŭnaha ściaha Biełarusi ŭ štab-kvatery ŠAS u Piekinie — na samicie ŭ Astanie Biełaruś stała paŭnapraŭnym členam hetaj arhanizacyi.
«Heta robicca ŭ prysutnaści dypłamatyčnaha korpusa z adpaviednym pratakolnym anturažam», — rastłumačyŭ Maksim Ryžankoŭ.
Akramia taho praduhledžany ceły šerah sustreč niepasredna z kitajskimi pradstaŭnikami. Klučavaja sustreča maje być ź ministram zamiežnych spraŭ KNR Van I.
Pavodle jaho słoŭ, treba budzie taksama sustreča z kiraŭnictvam Ahienctva pa raźvićci, jakoje zajmajecca realizacyjaj prajektaŭ za miažoj. Buduć padrabiazna abmiarkoŭvacca takija bujnyja sumiesnyja prajekty, jak industryjalny park «Vialiki kamień», raźvićcio Biełaruskaj nacyjanalnaj bijatechnałahičnaj karparacyi, i inšyja.
Čakajucca i sustrečy ministra ŭ mižnarodnym adździele CK Kampartyi Kitaja.
Ciapier čytajuć
Dzie pracujuć i jak vyhladajuć žonki top-čynoŭnikaŭ?16
Dzie pracujuć i jak vyhladajuć žonki top-čynoŭnikaŭ?
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1111
Kamientary