Vynieśli prysud piensijanieru z Barysava, jaki ŭ svaich tvorach nibyta abraziŭ Łukašenku
U sudzie Barysaŭskaha rajona vyniesieny prysud 70-hadovamu Uładzimiru Tołkaču, abvinavačanamu ŭ abrazie Alaksandra Łukašenki» pavodle č. 1 art. 368 Kryminalnaha kodeksa. Spravu razhladała sudździa Taćciana Šyman, piša «Viasna».
Pieršy raz Uładzimira Tołkača zatrymali 26 vieraśnia 2023 hoda i prysudzili 10 sutak administracyjnaha aryštu. Tady ŭ jahonym telefonie vyjavili nacyjanalnuju simvoliku i svastyku, jakija jon źmiaściŭ jašče ŭ 2021 hodzie.
Viasnoj padčas pieratrusu ŭ piensijaniera byŭ kanfiskavany kamputar, dzie znajšli vieršy Uładzimira. Ekśpierty pryjšli da vysnovy, što niekatoryja radki mohuć utrymlivać abrazu Alaksandra Łukašenki.
U chodzie sudovaha pasiadžeńnia Tołkaču stała drenna, vyklikali «chutkuju», jakaja adviezła jaho ŭ špital. Ale praź niekalki hadzin sud adnaviŭsia.
18 červienia sud pryznaŭ Tołkača vinavatym i pakaraŭ abmiežavańniem voli biez nakiravańnia va ŭstanovu adkrytaha typu terminam na try hady (chatniaj chimijaj).
Ciapier čytajuć
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary