Hrošy na zabojstva rasijskaha lotčyka ŭ Ispanii, jaki pierahnaŭ va Ukrainu viertalot Mi-8, pieradali rasijskija dypłamaty
Da apieracyi mahli być datyčny rasijskija špijony ŭ Aŭstryi, piša The Wall Street Journal. Vydańnie nazyvaje Vienu novym špijonskim centram Rasii ŭ Jeŭropie.
Za apošnija dva hady kolkaść rasijskich dziaržaŭnych słužačych u Aŭstryi pavialičyłasia da 500 čałaviek, bolš za pałovu ź jakich składajuć dypłamaty i administratary. Pavodle acenak pradstaŭnikoŭ aŭstryjskaj raźviedki, da pałovy ź ich źjaŭlajucca špijonami.
U ciapierašni čas Viena źjaŭlajecca bazaj dla rasijskich tajemnych apieracyj, uklučajučy finansavańnie zabojstvaŭ, dyviersij i viarboŭki pa ŭsioj Jeŭropie, a taksama pramysłovaha špijanažu i apieracyj pa akazańni ŭpłyvu, ličać krynicy WSJ.
Adna z apieracyj, da jakoj ličać datyčnymi rasijskich špijonaŭ u Aŭstryi, — zabojstva piłota Maksima Kuźminava, jaki pierahnaŭ rasijski vajskovy viertalot Mi-8 va Ukrainu, a paśla žyŭ u Ispanii. Tam jaho i zabili — vypuścili ŭ mužčynu šeść kulaŭ na parkoŭcy, a zatym pierajechali jaho na pazadarožniku. Jak paviedamlajuć zachodnija słužby biaśpieki, kileram zapłacili najaŭnymi, jakija pieradali rasijskija dziaržaŭnyja słužboŭcy ź Vieny.
Sa słoŭ pradstaŭnika aŭstryjskaj raźviedki, Rasija adpraŭlaje vialikija abjomy najaŭnych hrošaj na aŭto ŭ susiednija krainy, takija jak Litva. Adtul rasijskija dypłamaty ŭ Aŭstryi pierapraŭlajuć ich pa Jeŭropie, časta ŭ dypłamatyčnaj pošcie, jakuju palicyja nie moža pravieryć.
Ciapier čytajuć
Pabiŭšy rekord, ceny na kvatery ŭ Minsku pačali prasiadać. Kolki ciapier u siarednim prosiać za mietr?1
Pabiŭšy rekord, ceny na kvatery ŭ Minsku pačali prasiadać. Kolki ciapier u siarednim prosiać za mietr?
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary
Jakuju vysnovu robić litoŭskaje HB z hetaj naviny? Pravilna! - Jaščy bolš abmiežavańniaŭ dla biełarusaŭ!