Sup fo ź jałavičynaj — recept na vychodnyja

Fo — papularny vjetnamski sup, jaki hatujecca ź pikantnaha bulonu, rysavaj makarony, traŭ, śpiecyj i miasa (zvyčajna jałavičyny abo kurycy) i padajecca z talerkaj śviežych traŭ, parastkaŭ fasoli, narezanaha piercu čyli i kavałačkami łajma.

Tradycyjny recept — heta składany praces, jaki ŭklučaje ŭ siabie varku smažanych jałavičnych kostak, miasa i śpiecyj u bulonie na praciahu niekalkich hadzin, kab atrymać usie smaki i pažyŭnyja rečyvy.

Ale jość bolš prosty i chutki sposab pryhatavać sup fo doma.

Vykarystoŭvajučy kambinacyju nabytych u kramie jałavičnaha i kurynaha bulonu, vy možacie pryhatavać sup, jaki vielmi nahadvaje tradycyjny fo. «Chutki fo» možna zrabić ŭsiaho za 45 chvilin, tamu heta dobry varyjant abiedu ci viačery ŭ napružany budni dzień.

Kab pryhatavać chutkuju viersiju supu fo, spatrebicca:

• 1 siaredniaja žoŭtaja cybulina, razrezanaja na čvertački
• 1¾ šklanki jałavičnaha bulonu
• 1¾ šklanki kurynaha bulonu
• 2 šklanki vady
• 1 stałovaja łyžka rybnaha sousu (fishsausce)
• 1 kavałačak śviežaha imbiru (2-3 sm), tonka narezany (čyścić nie treba)
• 1 pałačka karycy
• 2 čajnyja łyžki cukru
• 1 struk anisa
• 4 cełyja hvaździki
• 200 h płoskaj rysavaj łokšyny
• 220 h vielmi tonka narezanaj jałavičyny
• sol pa smaku
• ½ šklanki parastkaŭ fasoli
• ¼ šklanki narezanaha śviežaha liścia kinzy
• dolki łajma i parezany pierac čyli dla padačy

Jak hatavać:

1. Narežcie adnu z čvertak cybuliny jak maha tančej; adkładzicie ŭbok. U vialikaj kastruli daviadzicie da kipieńnia jałavičny i kuryny bulon, try čvertki cybuliny, vadu, rybny sous, imbir, pałačku karycy, cukar, anis i hvaździku. Pamienšycie ahoń da siarednie-nizkaha i tušycie, nie nakryvajučy viečkam, na praciahu 30 chvilin.
2. Tym časam daviadzicie da kipieńnia vialiki rondal z vadoj. Źnimicie z ahniu i dadajcie łokšynu. Dajcie pastajać, rehularna pamiešvajučy, kab łokšyna nie prylipła, pakul jana nie stanie miakkaj i hnutkaj — 5—10 chvilin. Źlicie vadu i dobra pramyjcie chałodnaj vadoj. Adstaŭcie ŭbok.
3. U vialikaj miscy pracadzicie bulon cieraz drobnaje sita. Prybiarycie ćviordyja čaścicy i pieralicie prazrysty bulon nazad u rondal.
4. Daviadzicie bulon da kipieńnia i dadajcie łokšynu; hatujcie, pakul łokšyna nie stanie miakkaj, ad 30 siekund da chviliny. Z dapamohaj ščypcoŭ ci łapatki dastańcie łokšynu z kastruli i raŭnamierna raźmiarkujecie pa miskach.
5. Pamienšycie ahoń da minimumu i dadajcie ŭ bulon narezanuju jałavičynu; tušycie, pakul jana nie pierastanie być ružovaj, kala chviliny. Z dapamohaj šumoŭki ci łapatki dastańcie jałavičynu z bulonu i raźmiarkujcie pa miskach. Pakaštujcie bulon i, kali treba, dadajcie sol. Zalicie łokšynu i jałavičynu bulonam.
6. Vykładzicie ŭ kožnuju misku drobna narezanuju cybulu, parastki fasoli i liście kinzy.
7. Pierad padačaj na stoł pakładzicie pobač dolki łajma, drobna parezany pierac čyli.

• 1
• 0
• 1
• 0
• 0
• 0
• 0
• 0