Polšča prykmietna skaraciła vydaču viz u 2024 hodzie. Źnižeńnie składaje ad 50 da 90 pracentaŭ u zaležnaści ad typu vizy.
Sioleta pa stanie na 14 červienia hetaha hoda Polšča vydała 98 211 pracoŭnych viz, u asnoŭnym biełarusam (32 233), ukraincam (47 257) i hruzinam (3 659), piša reform.news sa spasyłkaju na Rzeczpospolita.
Dla paraŭnańnia, hodam raniej takich viz było vydadziena 284 786: najbolš hramadzianam Biełarusi — 114 598, Ukrainy — 107 354 i Turcyi — 8 257.
Taksama była abmiežavana vydača humanitarnych viz, jakija ŭ 2020—2023 hadach u asnoŭnym atrymlivali biełarusy. U minułym hodzie było vydadziena 4539 takich viz, pryčym nie tolki biełarusam, ale i hramadzianam inšych krain. U hetym hodzie pakul vydali tolki 542 humanitarnyja vizy.
Novaje kiraŭnictva MZS z pačatku hoda spyniła vydaču viz u miežach prahramy Poland.Business Harbour.
Premjer-ministr Polščy Donald Tusk raskrytykavaŭ mihracyjnuju palityku minułaha ŭrada. Pryciahnieńnie ŭ Polšču biełaruskich i rasijskich ajcišnikaŭ dapamahło stvaryć «zamiežnuju ahienturu», miarkuje jon.
U eks-milicyjanta z žonkaj u emihracyi naradzilisia dvajniaty, ale jaho pryznali «pahrozaj nacbiaśpieki». Na što siamja pajšła, kab lehalizavać dziaciej?
«Lidarami pa admovach zastajucca Hrecyja i Polšča». Dzie ciapier biełarusam praściej za ŭsio atrymać šenhienskuju vizu?
Tusk: Pryciahnieńnie ŭ Polšču biełaruskich i rasijskich ajcišnikaŭ dapamahło stvaryć «zamiežnuju ahienturu»
Ciapier čytajuć
Cichanoŭskaja — Trampu: Łukašenku treba pakarać, a nie zaachvočvać29
Kamientary