Palitemihranty pradali kvateru ŭ Biełarusi, ale ciapier sud choča admianić ździełku
U sudzie Kastryčnickaha rajona Hrodna pačaŭsia hramadzianski praces ab admienie ździełki kupli-prodažu kvatery. Inicyjataram stała prakuratura horada, a adkazčyk — žurnalistka i aktyvistka Ina Todryk-Pisalnik, jakaja z 2021 hoda pa palityčnych pryčynach žyvie z siamjoj u Polščy, piša Hrodna.life.
13 červienia sudździa Natalla Šyško pačała razhladać spravu «ab ustanaŭleńni faktu nikčemnaści ździełki kupli-prodažu kvatery, prymianieńni nastupstvaŭ jaje niesapraŭdnaści, pryznańni niesapraŭdnaj dziaržaŭnaj rehistracyi damovy i pierachodu prava ŭłasnaści na kvateru».
Pazoŭnikam vystupaje Ministerstva finansaŭ i prakuratura Hrodna.
Siarod pryčyn, pa jakich ździełka moža być pryznanaja nikčemnaj:
- nievykanańnie nataryjalnaj formy ździełki abo patrabavańnia ab dziaržaŭnaj rehistracyi;
- ździełka, jakaja nie adpaviadaje patrabavańniam zakanadaŭstva;
- ździełka, ździajśnieńnie jakoj zabaroniena zakanadaŭstvam;
- ujaŭnyja i prytvornyja ździełki.
Ina Todryk-Pisalnik i jaje muž Andžej Pisalnik — žurnalisty, redaktary sajta ZnadNiemna.pl i aktyvisty niezarehistravanaha Sajuza palakaŭ. U krasaviku 2021 hoda ŭ siamji doma prajšoŭ ahlad, a Inu i Andžeja pavieźli ŭ Minsk na dopyt u jakaści śviedak pa spravie, pa jakoj abvinavačanymi prachodzili inšyja lidary Sajuza palakaŭ. Prakuratura śćviardžała tady, što dziejnaść Andžeja Pisalnika škodzić nacyjanalnym intaresam Biełarusi.
Z-za pahrozy aryštu i zabirańnia ź siamji syna Pisalniki tady vyrašyli pakinuć krainu. Miedyja, na jakija Ina i Andžej pracujuć, pryznali «ekstremisckimi».
Sajt Sajuza palakaŭ Biełarusi i minski rajonny čat pryznanyja «ekstremisckimi farmavańniami»
Žurnalist Andžej Pisalnik: Nas doma zatrymlivali kala dziesiaci supracoŭnikaŭ milicyi
Zatrymanyja polskija aktyvisty Inesa Todryk-Pisalnik i Andžej Pisalnik
Redaktary sajta nieaficyjnaha Sajuza palakaŭ źjechali ź Biełarusi
Ciapier čytajuć
Na vulicy Matusieviča ŭ Minsku pobač ź dziciačym sadkom upaŭ bieśpiłotnik17
Na vulicy Matusieviča ŭ Minsku pobač ź dziciačym sadkom upaŭ bieśpiłotnik
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje55
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje5
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1212
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć12
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2222
Kamientary
Ni adzin z dvuch bakoŭ prodažu-nabyćcia kvatery nia maje pretenzyi da inšaha, a prymusovy arbitar vykaciŭ čatery anekdoty.
Tak adbyvajecca paŭsiul i z kožnym prymusovym arbitražom. Jak nia chočacie być takim čynam abrabavanyja, tak paźbiahajcie prymusovaha arbitražu.