Niderłandy dazvolili Ukrainie vykarystoŭvać F-16 dla naniasieńnia ŭdaraŭ pa celach u Rasii
Ministr abarony Niderłandaŭ Kajsa Ałanhren zajaviła, što Ukraina zmoža vykarystoŭvać 24 źniščalniki F-16, jakija Amsterdam abiacaŭ pieradać Kijevu, jak ličyć patrebnym, u tym liku dla ŭdaraŭ pa vajennych celach u Rasii, piša Bi-bi-si.
«My prytrymlivajemsia taho ž pryncypu, jaki my ŭžyvali da luboj našaj dastaŭki ŭzbrajeńniaŭ: jak tolki my pieradajem zbroju Ukrainie, jana sama vyrašaje, jak jaje vykarystoŭvać», — skazała Ałahnren u intervju vydańniu Politico.
Pavodle jaje słoŭ, Amsterdam nie budzie ŭvodzić nijakich abmiežavańniaŭ, u adroźnieńnie, naprykład, ad Bielhii, jakaja zabaraniła Ukrainie vykarystoŭvać pieradadzienyja F-16 u rasijskaj pavietranaj prastory.
«My tolki prosim ich vykonvać mižnarodnaje prava i prava na samaabaronu, zamacavanaje ŭ Statucie AAN, što aznačaje, što jany vykarystoŭvajuć jaho dla dasiahnieńnia tych vajennych metaŭ, jakija im nieabchodnyja ŭ ramkach samaabarony», — skazała Ałanhren.
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary
Dzie jany ich voźmuć sprava inšaje ale dazvalaju
Adno što nie pieradali pakul (muraški niasuć samaloty na karkach, šlach daloki), a jak pieradaduć, to dazvolili navat karystacca samalotami pavodle pryznačeńnia.