U Rasii abviarhajuć žadańnie źmianić miažu ź Litvoj i Finlandyjaj u Bałtyjskim mory
U Rasii nie było i niama namieraŭ pa pierahladzie na Bałtycy linii dziaržmiažy, pišuć TASS i «RIA Novosti» sa spasyłkaj na nienazvanuju vajskova-dypłamatyčnuju krynicu.
«Nijakich namieraŭ pa pierahladzie na Bałtycy šyryni terytaryjalnych vod, ekanamičnaj zony, kantynientalnaha šelfa la macierykovaha ŭźbiarežža i linii dziaržaŭnaj miažy Rasijskaj Fiederacyi nie było i niama»,— skazała ananimnaja krynica žurnalistam.
Učora stała viadoma, što Rasija apublikavała prajekt pa źmianieńni miažy ź Litvoj i Finlandyjaj u Bałtyjskim mory ŭ adnabakovym paradku.
Z prajekta vynikaje, što Rasija źbirajecca abviaścić svaimi ŭnutranymi marskimi vodami častku akvatoryi na ŭschodzie Finskaha zaliva, a taksama pobač z haradami Bałtyjsk i Zielenahradsk u Kalininhradskaj vobłaści. Płanujecca źmianić hieahrafičnyja kaardynaty punktaŭ, jakija vyznačajuć stanovišča zychodnych linij, ad jakich admierajecca šyrynia terytaryjalnaha mora Rasii, prylehłaj zony ŭźbiarežža i vyspaŭ.
Aŭtary zakonaprajekta zajavili, što ciapierašnija kaardynaty ŭstanoŭlenyja pastanovaj Saŭmina SSSR ad 1985 hoda i «nie ŭ poŭnaj miery adpaviadajuć sučasnaj hieahrafičnaj abstanoŭcy», bo byli zafiksavanyja «pa marskich navihacyjnych kartach drobnaha maštabu», zasnavanych «na pracach siaredziny XX stahodździa».
MZS Litvy nazvała inicyjatyvu Rasii nakont źmieny marskoj miažy ŭ Bałtyjskim mory pravakacyjaj.
Litva źbirajecca nie tolki całkam zabiaśpiečyć siabie elektryčnaściu, ale i stać bujnym eksparcioram elektraenierhii
Zabaranili ŭvozić u Biełaruś šmat tavaraŭ z Polščy, Čechii i krain Bałtyi
Łukašenka i prapahanda chvalacca tym, jak za 30 hadoŭ palepšała žyćcio ŭ Biełarusi. Ale ci sapraŭdy jość čym hanarycca?
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
Kamientary