Apieratara ANT aryštavali za palityku. Pryčynaj mahli stać kamientary ŭ telehramie, jakija jon daŭno vydaliŭ
38-hadovaha Antona Kazielskaha doma čakajuć žonka i dzicia.
Aryštavanaha kličuć Anton Kazielski. Miarkujučy pa sacsietkach, mužčynie 38 hadoŭ. Viadoma, što niejki čas jon žyŭ u Rasii, ale apošnim časam — u Minsku. U mužčyny jość žonka i dzicia.
Kazielski doŭhi čas pracavaŭ apierataram na ANT. Naprykład, jašče ŭ listapadzie 2022-ha jon vučyŭ Departamient achovy MUS pracavać ź dziaržSMI. Apošni repartaž Kazielskaha vyjšaŭ u kastryčniku 2023 hoda.
Nieviadoma dakładna, kali apieratara zatrymali, ale heta adbyłosia bolš za paŭhoda tamu.
Sprava moža być u telehram-kamientarach, jakija pakidaŭ mužčyna. Jon raniej šmat kamientavaŭ u roznych palityčnych hrupach, ale samich kamientaroŭ my nie adšukali — jon ich vydaliŭ. Znajści ich možna tolki ŭskosna, praz adkazy inšych karystalnikaŭ dy ślady mužčyny ŭ hrupach.
Akaŭnt supracoŭnika ANT pry hetym zusim nieabaronieny. Jaho možna znajści pa telefonnym numary, a ŭ samim akaŭncie Anton vykarystoŭvaŭ ułasnyja fota.
Sud nad Antonam pačaŭsia siońnia, 20 maja. Jaho abvinavačvajuć pa dvuch artykułach KK — «zakliki da sankcyjaŭ i inšych dziejańniaŭ, nakiravanych na škodu nacyjanalnaj biaśpiecy» (č. 3 art. 361 KK) i «raspalvańnie varožaści abo varažniečy» (č. 1 art. 130 KK). Jamu pahražaje ad čatyroch da dvanaccaci hadoŭ kałonii.
«Naša Niva» — bastyjon biełaruščyny
PADTRYMAĆCiapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary