«Chaču Porsche, ale baćki padaryli Geely». Na jakich mašynach biełaruskija studenty pryjazdžajuć u VNU?
Kamanda prajekta West Motors vyrašyła pahladzieć, na čym pryjazdžajuć na vučobu biełaruskija studenty. I dla hetaha adpraviłasia na parkoŭku kala Instytuta biznesu BDU.
Pieršy chłopiec adkazaŭ, što karystajecca mašynaj kožny dzień — i heta elektryčnaja Opel Ampera.
— Vielmi zručanaja nasamreč. Niama pałomak, usio vydatna.
Nastupnaja dziaŭčyna źjaviłasia kala VNU na Belgee X50. Darečy, niadaŭna «Naša Niva» paviedamlała, što heta adzinaja ajčynnaja madel, na jakuju zachavałasia čarha. Kab nabyć taki krasovier, treba pačakać paŭtara-try miesiacy. U standartnaj kamplektacyi jon novy kaštuje 66 tysiač rubloŭ.
Stylovaja kiroŭca pryznałasia, što joj mašynu nabyli baćki. Ale ŭdakładniaje: kali b chapiła hrošaj, dyk vybrała b Porsche 911. Heta madel, kaniešnie, u razy daražejšaja — u aficyjnym sałonie cana na Porsche 911 pačynajecca amal sa 156 tysiač jeŭra.
Na čiem jezdiat biełorusskije studienty? Provieli niebolšoj socopros! ️ Kak vy dumajetie, kakoj avtomobil podchodit studientam? Ždiem v kommientarijach ✍
Jašče adzin student skazaŭ, što jechaŭ na taksi ekanom-kłasu, ale padkreśliŭ, što zvyčajna vyklikaje biznes. Chłopiec raspavioŭ, što pakul paśviedčańnia kiroŭcy ŭ jaho niama, ale ŭ budučym jon płanuje atrymać. Na pytańnie, jakuju b mašynu chaciełasia potym nabyć, student paciskaje plačyma:
— Jakuju baćki padorać.
— To-bok, raźličvajecie, što baćki bolš dapamohuć? A sam zarabi na svaju pieršuju mašynu, jak pacan — voś heta voś?..
— Nuuu… Taksama budzie.
Nastupny student vidavočna nie biez honaru prademanstravaŭ svoj Mercedes-Benz:
— R251, čysty «niemiec». Sa Štutharta, 2008 hod vypusku. Nabyŭ amal što sam — tata tolki krychu dapamoh. Za miesiac na mašynu traču bolš za tysiaču biełaruskich dakładna, nie ŭličvajučy niejkich niapłanavych pałomak.
A voś chłopiec na Opel Insignia trymaŭsia ścipła.
— Pa funkcyjanału zadavalniaje, pa pamierach nizkavataja.
Pytańnie, ci sam jon nabyŭ aŭto, zdajecca, troški ździviła respandenta:
— Nie. Kaniešnie, baćki dapamahli.
«Padličyŭ i ašaleŭ»: minčanin raspavioŭ, kolki patraciŭ za 4 hady na karšerynh. Ci atrymałasia zekanomić?
Prodažy novych aŭto ŭ Biełarusi vyjšli na davajenny ŭzrovień, ale dola Geely skaračajecca. Čamu tak? (nashaniva.com)
Staryja aŭto ŭ Biełarusi časam kaštujuć u 4 razy daražej, čym u Litvie
Kanfiskavany na miažy 48-hadovy lehiendarny Chevrolet Corvette pradali z aŭkcyjonu za niemałyja hrošy
Zatrymany ŭ Polščy biełaruski taksist-špijon byŭ siabram «Paspalitaha rušeńnia»14
Zatrymany ŭ Polščy biełaruski taksist-špijon byŭ siabram «Paspalitaha rušeńnia»
Rasijskija i łukašenkaŭskija śpiecsłužby na fonie zalotu dronaŭ u Polšču praviali infaataku. Jaje zładžanaść daje padstavy dumać, što zalot byŭ spłanavany1515
Kamientary