Biez palityki i prašeńnia ab pieramozie Rasii. U BPC napisali svaju malitvu ab «adnaŭleńni miru» va Ukrainie
Vajaŭničy varyjant Maskvy ŭ biełaruskich cerkvach vyrašyli nie vykarystoŭvać.
U Biełaruskaj Pravasłaŭnaj Carkvie napisali svaju malitvu ab «adnaŭleńni miru» va Ukrainie.
U joj niama palityčnych momantaŭ, a taksama prośby «daravać pieramohu», vidavočna, rasijskim vojskam. Teksty malitvaŭ, jakija vykarystoŭvajucca ŭ RPC i jaje biełaruskim ekzarchacie, paraŭnała «Chryścijanskaja vizija».
3 sakavika 2022 hoda, praź niekalki dzion paśla pačatku poŭnamaštabnaha ŭvarvańnia Rasii va Ukrainu, pa jeparchijach RPC razasłali cyrkularny list, u jakim pradpisvałasia za Božaj liturhijaj uznosić «malitvu ab adnaŭleńni miru».
U vieraśni 2022-ha źjaviŭsia novy tekst hetaj malitvy, jaho ahučyŭ patryjarch Kirył. U malitvie źjaviŭsia vidavočny palityčny kantekst. Tak, u tekście jość radok «sie bo brani chotiaŝija opołčilisia na Śviatuju Ruś, čajuŝie razdieliti i pohubiti jedinyj narod jeja» i vidavočnaje prašeńnie ab pieramozie Rasii ŭ ahresiŭnaj vajnie — «vozstani, Božie, v pomoŝ ludiem Tvoim i podažd́ nam siłoju Tvojeiu pobiedu».
Čytańnie hetaj malitvy stała abaviazkovym u chramach RPC u Rasii. Za admovu śviataroŭ stali pazbaŭlać sanu. Tak, byŭ pazbaŭleny prava na słužeńnie viadomy śviatar libieralnaha kryła Alaksiej Uminski. Paźniej jon byŭ adnoŭleny ŭ sanie Usialenskim patryjarchatam.
Zamiežnych jeparchij RPC zahad ab abaviazkovym čytańni malitvy nie datyčyŭsia. U Biełarusi da apošniaha času čytali pieršapačatkovy tekst malitvy ad 3 sakavika. Adnak ciapier u BPC napisali novuju malitvu.
Jana akazałasia simbijozam dvuch tekstaŭ. Pry hetym z malitvy prybrali palityku, prašeńnie ab pieramozie, radok pra «vorahaŭ Śviatoj Rusi» i prośbu «vyratavać ad śmierci, ran i pałonu abaroncaŭ Ajčyny».
14 sakavika ź Sinodam BPC sustrakaŭsia Alaksandr Łukašenka. Całkam mahčyma, što źjaŭleńnie novaj malitvy biez adsyłak da rasijskaj palityki — niepasredny vynik toj sustrečy.
Viciebski archijepiskap atrymaŭ biełaruskaje hramadzianstva i padaryŭ načalniku milicyi knihu pra achviaru represij
«Rodnoj vo sto krat rośsijskij sołdat». U niadzielnaj škole ŭ Hrodnie dzieci pišuć listy rasijskim vajskoŭcam
Łukašenka — kiraŭnictvu BPC: My pamiatajem, jak u 2020 hodzie niekatoryja śviatary zanialisia, miakka kažučy, palitykaj
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ86
Kamientary