Pakul viadomy nie ŭsie detali.
Źmianieńni zakonaŭ pa pytańniach pradprymalnickaj dziejnaści apublikavali na Nacyjanalnym pravavym internet-partale.
Pa novym zakonie da pradprymalnickaj dziejnaści nie adnosicca advakackaja i nataryjalnaja praca, dziejnaść traciejskich sudździaŭ, miedyjataraŭ, časovych navukovych kalektyvaŭ, kalektyvaŭ kulturnych mierapryjemstvaŭ, dziejnaść fizičnych asob pa vykarystańni ŭłasnych kaštoŭnych papier, pa nabyćci i prodažy tokienaŭ. Nie ličacca pradprymalnikami i ŭładalniki padsobnych haspadarak.
Kaho buduć adnosić da jurydyčnych asob? Heta małyja arhanizacyi da 100 čałaviek, siarednija da 250 i bujnyja, dzie bolš za 250 supracoŭnikaŭ.
Fizasoby buduć mieć prava zajmacca pradprymalnickaj dziejnaściu ŭ jakaści ramieśnika, uładalnika ahraekasiadziby, IP, a taksama samastojna vieści prafiesijnuju dziejnaść.
Jakimi vidami dziejnaści zmohuć zajmacca indyvidualnyja pradprymalniki, urad vyznačyć da 1 lipienia. IP pa tych vidach dziejnaści, jakich nie budzie ŭ pieraliku, z 1 kastryčnika pierastanuć rehistravać.
Na finansavuju padtrymku ad dziaržavy zmoža pretendavać taksama siaredni biznes.
U zakonie dla jaho prapisany takija vidy padtrymki: vydača finansavych srodkaŭ na zvarotnaj (biezzvarotnaj) płatnaj (biazvypłatnaj) asnovie na realizacyju inviestycyjnych abo biznes-prajektaŭ; majomaści na ŭmovach lizinhu; subsidyj dla kampiensacyi častki pracentaŭ za karystańnie bankaŭskimi kredytami; subsidyj dla pakryćcia častki raschodaŭ na vypłatu lizinhavych płaciažoŭ i na ŭdzieł u vystaŭkach i kirmašach; raźmiaščeńnie srodkaŭ miascovych biudžetaŭ va ŭkłady (depazity) bankaŭ z nastupnym ich nakiravańniem na pradastaŭleńnie lhotnych kredytaŭ.
Praduhledžany novy vid dziaržaŭnaj finansavaj padtrymki małym i siarednim pradpryjemstvam, jakija realizujuć inviestycyjnyja prajekty z pryciahnieńniem kredytaŭ Banka raźvićcia. Im zmohuć kampiensavać častku kapitalnych vydatkaŭ za košt srodkaŭ respublikanskaha biudžetu.
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary