Niečakany praciah karjery Sašy Hrej. Čym ciapier zajmajecca byłaja zorka filmaŭ dla darosłych?
Karjera Sašy Hrej u pornaindustryi była adnosna niadoŭhaj, ale jarkaj. Saša zdymałasia ŭ roznych žanrach filmaŭ dla darosłych 5 hadoŭ. Akramia hetaha, jana paśpieła pasprabavać siabie ŭ jakaści madeli, aktrysy, pradziusarki, była DJ, hrała ŭ muzyčnym hurcie, ahučvała piersanažaŭ u kampjutarnych hulniach. Čym Saša zajmajecca ciapier?
Niahledziačy na toje, što paśpiachovaja karjera dziaŭčyny ŭ porna skončyłasia ažno ŭ 2011, prychilnikaŭ u jaje zastałosia šmat. Na akaŭnt Sašy Hrej u instahramie padpisana 2 miljony čałaviek. Jaje kanał na YouTube maje kala paŭmiljona fałovieraŭ. U tyktoku dziaŭčyna maje 333 tysiačy padpisčykaŭ.
Saša lubić hulać u kampjutarnyja hulni i pravodzić strymy. Ale heta nie adzinaje, što cikavić jaje.
Niečakana Saša vyrašyła pasprabavać sabie ŭ jakaści fud-błohierki. Jana pačała zapisvać videarecepty. Naprykład, u krasaviku jana hatavała rybnuju sieviču z arachisam. Saša raskazała, što strava heta rodam z Ekvadora.
Najbolš papularny recept, jaki nabraŭ 1,5 miljona prahladaŭ, pryśviečany tamu, jak hatavać pialmieni. U videa z receptam baršču taksama šmat fanataŭ.
Zdajecca, aŭdytoryja ŭ dziaŭčyny amal nie źmianiłasia, bo ŭ kamientaryjach šmat nastalhii: «Ja nastolki stary, što dažyŭ, kali Saša Hrej hatuje boršč… Anłajn… Biez rehistracyi i sms….», «Tym, chto 10 hadoŭ tamu mazoliŭ ruku na Sašu, zaraz hatoŭka baršču vielmi spadabajecca. Čakajem, kali pačnie hnać samahon», «Narešcie možna nie začyniać dźviery ŭ pakoj, kali hladziš videa z Sašaj».
Chłopcy radujucca, što zaraz na pytańnie: «A što ŭ ciabie ŭ papcy «Saša Hrej»?» možna ščyra adkazvać: «Recepty!».
Niechta pažartavaŭ:
«Ja: *zabivaju ŭ huhł «Saša Hrej h…»
Zapyty: «Saša Hrej hatuje boršč»
Ja: «Tak, heta toje, što mnie treba!»
Chacia, kaniečnie, kahości novyja videa šakiravali: «Navat videa z pačatku karjery Sašy nie tak ahałomšyli, jak heta», «Ja bačyŭ šmat dziŭnych videa z Sašaj. Ale spačatku cybulu, a potym kapustu — heta ŭžo pierabor», «Tak niazvykła bačyć u rukach Sašy bulbu».
Jość i tyja, chto ščyra zamiłoŭvajecca: «Razam z Sašaj my prajšli šlach sapraŭdnaj mocnaj siamji — ad junackaha zapału da chatniaj utulnaści».
Kamientary