Sud u Ńju-Jorku admianiŭ prysud Charvi Vajnštejnu, jakoha abvinavačvali ŭ zhvałtavańni
Sud u Ńju-Jorku pryjšoŭ da vysnovy, što prysud, vyniesieny ŭ 2020 hodzie ŭ dačynieńni da viadomaha amierykanskaha kinapradziusara Charvi Vajnštejna, patrabuje pierahladu, piša Bi-bi-si.
U rašeńni suda skazana, što raniejšy sud nad Vajnštejnam nie byŭ spraviadlivym, pakolki prakurory pryciahvali ŭ jakaści śviedak ludziej, pakazańni jakich nie mieli dačynieńnia da hetaha pracesu. Tamu, na dumku suda, u vyniku Vajnštejna sudzili na asnovie jaho papiarednich učynkaŭ, a nie vyklučna z punktu hledžańnia ździajśnieńnia złačynstvaŭ, u jakich jaho abvinavačvali padčas pracesu.
U suviazi z hetym sud u Ńju-Jorku pastanaviŭ pravieści pa spravie Vajnštejna novaje sudovaje raźbiralnictva.
Praces nad Vajnštejnam byŭ źviazany z seksualnym hvałtam: z 2017 hoda bolš za 80 žančyn abvinavacili jaho ŭ damahańniach, u tym liku aktrysy Ešli Džad, Hviniet Pełtrou, Salma Chajek, Andžalina Džoli i Uma Turman.
Vidavočcy raskazvali, što Vajnštejn čaplaŭsia da aktrys u hatelnych numarach na padstavie nibyta kastynhu. Mnohija ź ich zachoŭvali maŭčańnie pra heta, bo bajalisia stracić miesca ŭ kinaindustryi.
U 2020 hodzie Vajnštejna asudzili da 23 hadoŭ pazbaŭleńnia voli. Paśla ŭ chodzie novaha kryminalnaha pracesu ŭ Łos-Andželesie jon atrymaŭ jašče 16 hadoŭ turmy.
Dla samoha Vajnštejna pakul što ničoha nie źmienicca: praz prysud, vyniesieny ŭ Kalifornii, jon zastaniecca ŭ turmie da dalejšaha paviedamleńnia.
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek5
Kamientary