Redki vypadak: viciebski sud pryznaŭ, što mužčynu dva hady tamu adpravili na sutki niezakonna
I spyniŭ spravu ab administracyjnym pravaparušeńni.
U 2022 hodzie žychar Tałačynskaha rajona atrymaŭ siem sutak aryštu za parušeńnie praviłaŭ previentyŭnaha nahladu. Adnak praz dva hady sud pryznaŭ hetaje rašeńnie niezakonnym, zaŭvažyŭ «Viciebsk, ja hulaju».
U krasaviku 2022 hoda sud ustanaviŭ za žycharom Viciebščyny previentyŭny nahlad terminam na šeść miesiacaŭ. Mužčyna pavinien byŭ rehularna adznačacca ŭ miascovym adździaleńni milicyi. Tam skłali adpaviedny hrafik — mužčyna pavinien byŭ źjaŭlacca kožny pieršy i treci paniadziełak miesiaca. Dakumient padpisaŭ namieśnik načalnika Tałačynskaha RAUS.
Jak akazałasia, pa zakonie taki hrafik moža padpisvać tolki načalnik RAUS. Viciebski abłasny sud zajaviŭ: pakolki dakumient byŭ padpisany namieśnikam, na jaho padstavie nielha było vynosić rašeńnie ab parušeńni ŭmovaŭ previentyŭnaha nahladu.
Pa hetaj pryčynie, a taksama z-za zakančeńnia terminu daŭnaści i źniaćcia previentyŭnaha nahladu, abłasny sud pastanaviŭ spynić spravu ab administracyjnym pravaparušeńni.
Kamientary