52-hadovy Jaramir Jahr zabiŭ hoł u čempijanacie Čechii i pastaviŭ suśvietny rekord
Heta siomy siezon dla Jaramira paśla viartańnia z NCHŁ.
52-hadovy forvard «Kładna» Jaramir Jahr vyjšaŭ na lod u sustrečy płej-of za prava zastacca ŭ češskaj Ekstralizie z CHK «Vsiecin». Na 2-j chvilinie pieršaha pieryjadu Jahr adkryŭ lik u matčy, zakinuŭšy svaju pieršuju šajbu ŭ hetym siezonie.
U druhim pieryjadzie češski forvard adznačyŭsia vynikovaj pieradačaj. Sustreča zaviaršyłasia pieramohaj «Kładna» ź likam 7:2.
Jak paviedamlaje žurnalist Zdeniek Janda na svajoj staroncy ŭ Ch, Jahr staŭ samym uzrostavym dziejnym chakieistam, jaki zhulaŭ u prafiesijnaj lizie. Jaramiru 52 hady i 63 dni. Jon palepšyŭ vynik Hordzi Chou, jaki va ŭzroście 52 hadoŭ i 11 dzion hulaŭ u NCHŁ.
U rehularnym siezonie-2023/2024 za «Kładna» Jahr zhulaŭ 15 matčaŭ, u jakich addaŭ čatyry vynikovyja pieradačy. Heta siomy siezon dla Jaramira paśla viartańnia z NCHŁ. Jahr pačaŭ vystupać za «Kładna» ź siaredziny siezona-2017/2018.
Lehiendarny forvard braŭ udzieł u 1733 matčach rehularnaha čempijanatu NCHŁ i nabraŭ 1921 (766+1155) bał.
Jahr dvojčy zavajoŭvaŭ Kubak Stenli ŭ składzie «Pitsburh Pinhvinz» (1991, 1992).
Sa zbornaj Čechii jon stanaviŭsia alimpijskim čempijonam (1998) i dvojčy — čempijonam śvietu (2005, 2010).
Doŭhi čas chakieist vystupaŭ pad numaram 68 u pamiać pra savieckuju akupacyju Čechasłavakii ŭ 1968 hodzie.
Ciapier čytajuć
U Minsku zaviaršyli budaŭnictva piacizorkavaha hatela na miescy kolišniaha «Biełekspa»7
U Minsku zaviaršyli budaŭnictva piacizorkavaha hatela na miescy kolišniaha «Biełekspa»
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary