Ideołah Minabarony: Pryciahnieńnie rasijskich instruktaraŭ va Uzbrojenyja siły RB pakazvaje svaju efiektyŭnaść
Pamočnik ministra abarony pa ideałahičnaj rabocie va Uzbrojenych ciłach — načalnik hałoŭnaha ŭpraŭleńnia ideałahičnaj raboty Ministerstva abarony hienierał-major Leanid Kasinski prakamientavaŭ pravierku bojehatoŭnaści armii.
«Padvodzić vyniki pravierki bojehatoŭnaści pakul rana. Ale jość asablivaści, pra jakija my ŭžo možam upeŭniena kazać.
Pa-pieršaje, praktyka pryciahnieńnia instruktaraŭ, jakija prajšli padrychtoŭku ŭ Rasijskaj Fiederacyi, adnaznačna pakazvaje svaju efiektyŭnaść. Dziakujučy tamu, što ŭ nas jość mahčymaść pierajmać sučasny bajavy vopyt i ŭkaraniać jaho ŭ siabie, my faktyčna ździajśniajem jakasny skačok va ŭzroŭni padrychtavanaści asabovaha składu», — cytuje słovy Leanida Kasinskaha telehram-kanał Minabarony.
Nahadajem, što ź leta instruktarami ŭ biełaruskaj armii vystupali bajcy PVK «Vahnier», jakija byli raskvartaravanyja ŭ Biełarusi paśla niaŭdałaha miaciažu 23-24 červienia.
Taksama hałoŭny ideołah Minabarony zajaviŭ, što vojski aprabavali novyja sposaby prymianieńnia ŭzbrajeńnia, vajennaj i śpiecyjalnaj techniki. U pryvatnaści, vialikaja ŭvaha ŭ chodzie vučeńniaŭ nadavałasia pytańniam adbićcia srodkaŭ pavietranaha napadu, u tym liku bieśpiłotnikaŭ, pavyšeńni žyvučaści padraździaleńniaŭ, procidziejańni dyviersijna-raźviedvalnych hrup.
Pa słovach Leanida Kasinskaha, sami vajennaabaviazanyja, jakija prachodzili słužbu niekatory čas tamu, adznačajuć i zaŭvažajuć, što biełaruskaje vojska siońnia kardynalna źmianiła svajo abličča. U pryvatnaści, prysutničaje «zaradžanaść ludziej na abaronu svajoj krainy».
Taksama Minabarony paviedamiła, što pačałosia paetapnaje zvalnieńnie vajennaabaviazanych, pryzvanych u ramkach pravierki bajavoj hatoŭnaści ŭ 19-ju asobnaj miechanizavanaj bryhadzie i 120-ju zienitnaj rakietnaj bryhadzie.
Zaznačajecca, što kala 6,5 tys. vajennaabaviazanych buduć zvolnieny ŭ zapas i viernucca dadomu da 30 krasavika, a technika, jakaja pryciahvajecca dla mierapryjemstvaŭ pravierki, viernuta ŭ arhanizacyi.
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary
Kolki ŭ hety raz paśla chmary pakładuć biełarusaŭ-łukašystaŭ pad istruktažami hetych "vajenaŭ".. Tolki Sachalščyk moža spynić ich ad nieminučaj śmierci.