Adkryjecca internet-krama z vyrabami, zroblenymi ludźmi ź invalidnaściu
Internet-krama z pradukcyjaj, stvoranaj padapiečnymi sacyjalnych ustanoŭ, zapracuje ŭ stalicy. Pra heta raspaviała zahadčyca adździaleńnia psichanieŭrałahičnaha doma-internata dla sastarełych i invalidaŭ № 1 Taćciana Niekraševič, pišuć «Minsk-naviny».
Prajekt hetaj dziaržustanovy ab stvareńni internet-kramy «inkluziŭ-studyja» raniej pieramoh u adnoj z naminacyj konkursu «105 idej dla raźvićcia haliny», abvieščanaha Ministerstvam pracy i sacyjalnaj abarony.
Prajekt praduhledžvaje arhanizacyju adzinaj placoŭki dla realizacyi vyrabaŭ, stvoranych ludźmi ź invalidnaściu ŭ majsterniach sacyjalnych ustanoŭ Minska. Jaho meta — reabilitacyja i abilitacyja takich ludziej praz uklučeńnie ŭ sacyjalnaje žyćcio hramadstva i pracoŭnuju samarealizacyju.
Jak raspaviała Niekraševič, kuratar prajekta, u majsterniach doma-internata padapiečnyja vyrablajuć roznyja rečy. Z časam stała zrazumieła: nie chapaje adzinaj i pastajannaj placoŭki pa ich realizacyi.
— Plus letaś my adnavili ŭ dziejazdolnaści piać čałaviek. Ciapier u ich jość pastajannaja praca, ale zastałosia i žadańnie padpracavać. Tak, uzvažyŭšy ŭsio, pryjšli da vysnovy: nieabchodna internet-krama, — dadała Niekraševič.
Ciapier źbirajuć srodki dla realizacyi prajekta i partfolio rabot roznych ustanoŭ. Usie ŭ adzinym farmacie buduć vystaŭleny na sajt. Kali klijent naciśnie «kupić», čałaviek u kožnaj ustanovie atrymaje zajaŭku, źbiare zakaz i adpravić jaho poštaj abo kurjeram. Płanujecca taksama šyrokaja rekłamnaja kampanija, kab luby achvotny moh dapamahčy padapiečnym sacyjalnych ustanoŭ.
Kuratar prajekta ŭpeŭnienaja ŭ popycie na pradukcyju. Raźlik nie tolki na pakupnikoŭ — fizičnych asob. Naprykład, da śviataŭ firmy zmohuć zamović padarunki svaim supracoŭnikam.
Ciapier čytajuć
Achviary intehracyi. Rasija biaspłatnymi pucioŭkami i praz Rassupracoŭnictva zavablivaje biełaruskich dziaciej20
Kamientary