Ofis Śviatłany Cichanoŭskaj dapamoh pieradać 150 dronaŭ na front
Delehacyja vałancioraŭ ź Finlandyi naviedała štab Pałka Kalinoŭskaha i pieradała drony ad biełaruskaj dyjaspary.
Dapamohu ŭ dastaŭcy techniki zładzili Ofis Śviatłany Cichanoŭskaj i Abjadnany pierachodny kabiniet. Kaardynavaŭ praces Hienadź Mańko — kiraŭnik Misii demakratyčnaj Biełarusi va Ukrainie, paviedamlaje pres-słužba demakratyčnaj lidarki Biełarusi.
«Dapamoha dobraachvotnikam va Ukrainie zaraz aktyŭna abmiarkoŭvajecca ŭ biełaruskich dyjasparach. Prajekt «narodny dron» byŭ prezientavany ŭ ramkach Kanfierencyi biełarusaŭ śvietu ŭ Prazie. Šmat sustreč pa hetaj temie prajšło ŭ zakrytym farmacie ŭ miežach «jeŭratura» pradstaŭnikoŭ Pałka imia Kalinoŭskaha. I tolki na abmierkavańni sprava nie zakančvajecca: jak my bačym, drony ŭžo siońnia pieradadzienyja Pałku i hetaja praca budzie praciahvacca», — skazaŭ Hienadź Mańko padčas sustrečy ŭ štabie Pałka.
Usiaho padčas vizitu dastaŭlena bolš za 150 dronaŭ. Akramia Pałka imia Kalinoŭskaha ich pieradali ŭ takija padraździaleńni, jak Treciaja šturmavaja bryhada, «Krakien», «Azoŭ» i inšyja.
Kamientary
A nie tolki "dapamohu ŭ dastaŭcy techniki", jakuju sabrali zusim inšyja ludzi.