Zialenski raskazaŭ, jak Ukraina prymienić dalnabojnyja rakiety ATACMS
Ukraina biez dapamohi ZŠA budzie adstupać «krok za krokam» i stracić «vialikija harady», ale kali b atrymała rakiety ATACMS bolšaj dalokaści — zmahła b bić pa celach u Krymie, skazaŭ prezident Ukrainy.
Ukraina płanuje vykarystoŭvać dalnabojnyja rakiety ATACMS dla naniasieńnia ŭdaraŭ pa vajskovych aeradromach i inšych celach u Krymie, zajaviŭ ukrainski prezident Uładzimir Zialenski ŭ intervju Washington Post.
Zialenski rastłumačyŭ, što kali rasijskaja armija nanosić rakietnyja ŭdary pa enierhietyčnych i pramysłovych celach, adkazam na hetyja dziejańni stanuć ATACMS, piša RBK
«Kali Rasija daviedajecca, što my možam źniščyć hetyja samaloty, jany nie buduć atakavać z Kryma», — zajaviŭ jon.
Žurnalist spytaŭ u jaho, ci sapraŭdy, jak chodziać čutki, rakiety ŭžo adpravilisia z ZŠA. Zialenski zaśmiajaŭsia i adznačyŭ, što nie moža raskryvać hetuju infarmacyju, ale pakul ich va Ukrainie niama.
Ukraina praz prabuksoŭku z zakonaprajektam ab vajskovaj dapamozie ŭ Kanhresie ZŠA «straciła paŭhoda», i ciapier Kijeŭ «sprabuje znajści niejki sposab nie adstupać», pryznaŭ Zialenski.
Biez amierykanskaj padtrymki USU jość prablemy ŭ SPA, rakiet Patriot, pastanoŭščykaŭ pieraškod dla radyjoelektronnaj baraćby i artyleryjskich snaradaŭ kalibram 155 mm. «Heta značyć, što my budziem adychodzić, adstupać, krok za krokam, maleńkimi krokami», — papiaredziŭ palityk.
Na jahonuju dumku, kali linija frontu abryniecca, rasijskija vojski zmohuć zajści ŭ «vialikija harady».
Prezidenta Ukrainy taksama spytali, ci nie ličyć jon amierykanskaha kalehu Džo Bajdena zališnie aściarožnym u pytańni pastavak zbroi.
Na heta Zialenski adkazaŭ: «Ja dumaju, što jon aściarožna stavicca da [ryzyki] jadziernaj ataki z boku Rasii».
Na jahonuju dumku, rasijski prezident Uładzimir Pucin nie staŭ by davodzić situacyju da abmienu jadziernymi ŭdarami.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja100
Kamientary
Vojnu vyihryvajet łohistika i tiechnołohii. A jeŝio raźviedka i śviaź.