AAN: Rasijskija vajskoŭcy zabili ŭzimku minimum 32 ukrainskich vajennapałonnych
Naziralniki raspaviali, što praviali intervju z 60 ukraincami, jakija viarnulisia z rasijskaha pałonu, i ŭsie jany kazali pra katavańni, jakija ŭžyvajucca da ich.
Rasijskija vajskoŭcy zabili minimum 32 ukrainskich pałonnych sa śniežnia 2023 hoda da lutaha 2024 hoda, vynikaje z dakładu manitorynhavaj misii AAN u pravach čałavieka va Ukrainie (MMPČU), piša «Novaja hazieta Jeŭropa».
Naziralniki raspaviali, što praviali intervju z 60 ukraincami, jakija viarnulisia z rasijskaha pałonu, i ŭsie jany kazali pra katavańni, jakija ŭžyvajucca da ich.
«Amal kožny z apytanych nami ŭkrainskich vajennapałonnych apisvaŭ, jak rasijskija vajskoŭcy abo słužbovyja asoby katavali ich padčas pałonu, užyvajučy nieadnarazovyja źbićci, elektrašok, pahrozy rasstrełu, doŭhaje stresavaje stanovišča i insceniroŭku pakarańnia. Bolš za pałovu ź ich padvierhlisia seksualnamu hvałtu», — skazaŭ kiraŭnik MMPČU Daniel Beł.
Jon dadaŭ, što mnohim pałonnym taksama nie davali pahutaryć z rodnymi i blizkimi, a taksama nie zabiaśpiečvali dastatkovym charčavańniem i lekami.
Jak śćviardžajuć u MMPČU, pakarańni śmierciu 32 ukrainskich pałonnych u 12 asobnych incydentach byli paćvierdžanyja i zadakumientavanyja. Naziralniki niezaležna pravieryli try takija incydenty.
U pryvatnaści ekśpierty AAN śćviardžajuć, što adzin z rasijskich vajskoŭcaŭ u siale Rabocina Zaparožskaj vobłaści spačatku streliŭ pałonnamu USU ŭ nahu, a zatym zabiŭ jaho dvuma strełami ŭ śpinu.
Taksama ŭ misii AAN zajavili, što praviali intervju z 44 rasijskimi vajskoŭcami, jakija znachodzilisia va ŭkrainskim pałonie. Naziralniki padkreślili, što pałonnyja nie zajaŭlali pra katavańni ŭ miescach ich utrymańnia, adnak kazali pra žorstkaje abychodžańnie padčas pieravozki z pola boju. Hetyja pakazańni byli pryniatyja da viedama.
Ci realna abmianiać biełaruskich palitviaźniaŭ na rasijskich vajennapałonnych? Tłumačyć Kabančuk
Były ŭkrainski pałonny raskazaŭ, jak jaho pradali čačencam dla nastupnaha abmienu
Viačorka pra varyjant abmianiać palitviaźniaŭ na rasijskich ahientaŭ i vajennapałonnych: Abmiarkoŭvali. Detalaŭ nie mahu ahałošvać
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»6
Kamientary