Pra incedent paviedamiła apieratyŭnaje kamandavańnie krainy. Unačy kala 4: 23 rakieta parušyła pavietranuju prastoru Polščy.
U paviedamleńni vajskoŭcaŭ havorycca ab kryłataj rakiecie, «zapuščanaj hetaj nočču dalokaj avijacyjaj RF». U pavietra byŭ uźniaty źniščalnik F-16. Pavodle infarmacyi, rasijskaja rakieta była ŭ polskaj pavietranaj prastory 39 siekund.
«Abjekt uvajšoŭ u polskuju prastoru ŭ rajonie horada Asierdaŭ (Lublinskaje vajavodstva) i zastavaŭsia tam 39 siekund. Na praciahu ŭsiaho palotu jaho nazirali vajskovyja radyjołakacyjnyja sistemy», — havorycca ŭ paviedamleńni.
Unačy RF zapuściła pa Ukrainie 29 kryłatych rakiet Ch-101/ch-555 i 28 «Šachiedaŭ». Źbita ź ich 18 rakiet i 25 dronaŭ, paviedamiŭ kamandujučy pavietranych sił Mikałaj Alaščuk.
Kamientary