Ukraina ŭ minułym miesiacy pačała vytvorčaść rakiet z dalokaściu bolš za 640 km
Ukrainskija vajskovyja zavody ciapier sami vypuskajuć šmat snaradaŭ, vajskovaj techniki, rakiet i inšaha ŭzbrajeńnia, jakoje maje vyrašalnaje značeńnie dla vajennych dziejańniaŭ. Pa słovach premjer-ministra Ukrainy Dzianisa Šmyhala, vytvorčaść ich u 2023 hodzie patroiłasia i, jak čakajecca, pavialičycca ŭ 6 razoŭ u 2024-m, piša The Washington Post.
Pa niekatorych važnych tavarach, takich jak drony, jakija źmianili chod kanfliktu, Ukraina ŭžo vyrablaje 90% taho, što joj treba, zajaviŭ ministr ličbavaj transfarmacyi Ukrainy Michaił Fiodaraŭ.
Siarod dronaŭ, jakija vyrablaje Ukraina — BPŁA dalokaha radyusu dziejańnia, jakija ŭ apošnija tydni atakavali naftavyja abjekty ŭ hłybini Rasii, a taksama marskija bieśpiłotniki, jakija nanieśli surjoznyja straty Čarnamorskamu fłotu.
Taksama «Ukrabaronpram» vyrablaje ŭłasnyja minamiotnyja snarady, artyleryjskija snarady savieckaha standartu kalibra 122 mm i 152 mm i vajskovuju techniku.
Vytvorčaść deficytnych 155-mm snaradaŭ taksama pačniecca, ale nie raniej za «druhuju pałovu hetaha hoda». Hetyja snarady nieabchodnyja dla artyleryjskich sistem pa standartach NATA, jakija pastaŭlajucca zachodnimi sajuźnikami Ukrainy.
Akramia taho, pa słovach aficyjnych asob, raspracoŭvajecca ŭkrainskaja sistema SPA, anałahičnaja amierykanskaj i narviežskaj (NASAMS).
Ministr pa pytańniach stratehičnych halin pramysłovaści Alaksandr Kamyšyn zajaviŭ u minułym miesiacy, što Ukraina razharnuła vytvorčaść rakiety z dalokaściu palotu bolš za 400 mil (kala 640 km).
Ale, na žal, navat pry hetym usim, pa słovach Dzianisa Šmyhala, svajoj vytvorčaści Ukrainie niedastatkova, kab kampiensavać straty ad zapavoleńnia mižnarodnaj padtrymki, u pryvatnaści z boku ZŠA.
Biełarusy horača spračajucca, ci varta pryviazvać dapamohu na dzicia da zarobku maci51
Biełarusy horača spračajucca, ci varta pryviazvać dapamohu na dzicia da zarobku maci
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1313
Kamientary