Videa pahromu HUBAZiKam połackaj kvatery anarchista Ramana Chaliłava i jaho maci zjaviłasia ŭ kanale siłavikoŭ. Maci Ramana, jakuju pryznali palitviaźniem, ciapier adbyvaje pakarańnie na «chimii».
Siłaviki sa ździekam nazyvajuć svaju rubryku «Kvaternaje pytańnie». Jany vyłamali dźviery, vykinuli na padłohu ŭsie rečy z šafaŭ, pałamali dźviercy ŭ ich, pieraviarnuli kanapu.
Raman Chaliłaŭ byŭ vymušany pakinuć Biełaruś u 2019 hodzie. Jon zjechaŭ va Ukrainu, zatym — u Polšču.
U kastryčniku 2021 h. za stvareńnie hrupy «Revalucyjnaje dziejańnie», u jakoj byŭ i Chaliłaŭ, siłaviki zaviali bolš za dziasiatak kryminalnych spraŭ. Na łavie padsudnych apynulisia dziesiać čałaviek — siarod jakich Alaksandr Franckievič (atrymaŭ 17 hadoŭ pazbaŭleńnia voli), Achikira Hajeŭski-Chanada — (16 hadoŭ), Marfa Rabkova (15 hadoŭ).
U śniežni 2021 hoda zatrymali maci Chaliłava Hajane Achcijan, aryštavali na 10 sutak za niepadparadkavańnie milicyi, a zatym abviaścili padazravanaj pa spravie ab hrubym parušeńni paradku i pieraviali ŭ CIP na Akreścina.
Tady ž u prapahandysckich telehram-kanałach zjaviłasia videa pieratrusu, dzie Achcijan staić na kaleniach u atačeńni milicyi.
Paźniej na žančynu zaviali kryminalnuju spravu pa č. 1 art. 342 KK (arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich).
Jaje pryhavaryli da troch hadoŭ «chimii».
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy11
Kamientary
Cikava, chodziać u bronikach i sa zbrojaj? Tamu što na samoj spravie heta davoli niebiaśpiečna - zmahacca z meblaj.
Nu i kłoŭny, jak i ich kaleha-debił, jaki łupiŭ vielik dubinaj u 20 hodzie))