Na miažy ź Biełaruśsiu palaki zatrymali hrupu turkmienaŭ, jakija pierapraŭlali mihrantaŭ u Jeŭropu
Usiaho pa spravie zatrymana 15 inšaziemcaŭ, im pahražaje surjozny termin pazbaŭleńnia voli, paviedamili polskija miedyja.
«Pamiežnaja słužba Polščy paviedamiła pra zatrymańnie 6 hramadzian Turkmienistana ŭ polskim miastečku Słavatyčy (na miažy z Bresckaj vobłaściu — «NN»).
Usim im inkryminujecca arhanizacyja nielehalnaj mihracyi praź Biełaruś, a dvaich ź ich dadatkova abvinavačvajuć u niezakonnym pražyvańni ŭ Polščy», — pieradaje partał Dziennik Wschodni.
Partał sa spasyłkaj na pamiežnuju słužbu Polščy dadaje, što zatrymanyja turkmieny «sustrakali na miažy mihrantaŭ, jakija pierad hetym prylatali ŭ Biełaruś ci Rasiju, a paśla pieravozili ich na aŭtamabilach u Hiermaniju i inšyja krainy Zachodniaj Jeŭropy».
Taksama Dziennik Wschodni padkreślivaje, što ŭsiaho pa hetaj spravie prachodziać 15 inšaziemcaŭ, «jakija ŭvachodzili ŭ skład arhanizavanaj złačynnaj hrupoŭki i spryjali nielehalnaj mihracyi». 14 ź ich užo znachodziacca pad vartaj.
Usim zatrymanym pahražaje da 12 hadoŭ pazbaŭleńnia voli.
Nahadajem, što letaś niezaležnaje turkmienskaje vydańnie Turkmen.news vykryła masavy ŭdzieł turkmienskich studentaŭ u Biełarusi ŭ kantrabandzie mihrantaŭ u Jeŭropu. Niekatoryja studenty atrymali za heta turemnyja terminy ci byli departavanyja ź Biełarusi.
Situacyja tady akazałasia nastolki surjoznaj, što namieśnik ministra adukacyi Biełarusi razasłaŭ u VNU list z patrabavańniem sačyć za navučencami z Turkmienistana. Kopija lista patrapiła ŭ rasparadžeńnie Turkmen.news.
Ciapier čytajuć
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ4
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1212
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch12
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1111
Kamientary