Vitala Murašku ŭziali pad vartu. Na pikiecie la Kamaroŭki ŭ 2020-m jon fatahrafavaŭsia ź vialikim tapkam razam ź Cichanoŭskim.
Zatrymanaha kličuć Vital Muraška. Jamu 45 hadoŭ i jon minčuk. Viadoma, što jon skončyŭ praftechničnuju vučelniu mantažnych i śpiecyjalnych budaŭničych rabot.
Mužčynu vinavaciać va ŭdziele ŭ pratestach i napisańni kamientaroŭ u pratesnych čatach. U telefonie Vitala znajšli šerah fota i videa z pratestaŭ, jak śćviardžajuć hubazikaŭcy, jahonaha aŭtarstva.
Niezrazumieła dakładna, jak mienavita na jaho vyjšli, ale mahli być dva šlachi.
Pa-pieršaje, na staronkach u sacyjalnych sietkach mužčyny dahetul jość videa z pratestaŭ. Pa-druhoje, numar u telehram-akaŭncie, ź jakoha Vital pakidaŭ kamientary, bačny praz boty, jakimi karystajucca hubazikaŭcy. U adnym ź ich, «Voka boha», jany praviali «Pašyrany pošuk» pa jahonym numary kala hoda tamu — to-bok, viedali ŭsie jahonyja sacsietki, ale da času nie zatrymlivali.
Paviedamlajecca, što mužčynu ŭziali pad vartu i zaviali kryminalnuju spravu.
My jašče raz nastojliva raim vydalić fota sa smartfonaŭ, Google Photos i iCloud. Kali vy pakidali kamientary ŭ čatach — vydalicie ich, a paśla źmianicie akaŭnt. Pačyścicie vašy sacsietki (źviarnicie ŭvahu na instahram i tyktok), miesiendžary, YouTube i vydalicie łajki. Heta nie daść harantyi ad zatrymańnia, ale, prynamsi, źmienšyć jahonuju imaviernać.
«Naša Niva» — bastyjon biełaruščyny
PADTRYMAĆ
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4545
Kamientary