Kim Čen Yn 13 sakavika kiravaŭ trenirovačnymi spabornictvami pamiž tankavymi bujnymi złučeńniami Paŭnočnakarejskaj narodnaj armii.
«Pavažanaha tavaryša Kim Čen Yna na miescy sustreli ministr abarony KNDR Kan Sun Nam, načalnik Hienštaba KNA Li Jen Hir, namieśnik ministra abarony pa ŭzbrajeńniach, načalnik upraŭleńnia tankavych vojskaŭ Hienštaba KNA i kamandziry tankavych bujnych złučeńniaŭ KNA. Kamandziry tankavych i miechanizavanych častak usich instancyj KNA nazirali za spabornictvami», — paviedamlaje Paŭnočnakarejskaje navinavaje ahienctva.
«U sercach tankistaŭ, jakija ŭdzielničajuć u spabornictvach z radaściu i honaram za demanstracyju pierad pavažanym tavaryšam Kim Čen Ynam svaich bajavych dziejańniaŭ, kipieła bajavoje imknieńnie ŭ poŭnaj miery prajavić mudraść i ŭdałaść tankistaŭ, jakija ŭ harnile vyznačanaha našaj partyjaj pieravarotu ŭ bajavoj padrychtoŭcy vyraśli hodnymi haspadarami «žaleznych koniej», hatovymi zmahacca z voraham pa formule «adzin suprać sta»», — paviedamlaje hałoŭnaje prapahandysckaje miedyja KNDR.
«Kali pačalisia spabornictvy, niepieramožnyja tanki družna imčalisia napierad, adlustroŭvajučy ŭ svaim hule doblesny duch tankistaŭ, całkam pierapoŭnienych ćviordaj bajavoj volaj da biaźlitasnaha źniščeńnia praciŭnika», — havorycca ŭ navinie.
Ciapier čytajuć
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka3
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary