Skakucha Mirončyk-Ivanova: Alimpijskija hulni biez nas, biez najmacniejšych — heta nie Alimpijada
Biełaruskija spartoŭcy, jakija mohuć zastacca biez Alimpijady, praciahvajuć pierakonvać u pieršuju čarhu siabie, što spaborničać na erzac-turnirach z rasijanami vielmi prestyžna.
— Ja praciahvaju treniravacca, praciahvaju daryć ludziam niejkuju matyvacyju — spartsmienam, hledačam, svaim zaŭziataram. Nie apuskaju ruki i praciahvaju spadziavacca, što ŭ nas usio ž taki adbuducca Alimpijskija hulni z našymi najmacniejšymi spartsmienami, sa spartsmienami brackaj Rasii. Bo Alimpijskija hulni biez nas, biez najmacniejšych — heta nie Alimpijada, heta matčavaja sustreča, možna skazać, — cytuje spartoŭku, jakaja śpiecyjalizujecca na skačkach u daŭžyniu i trajnym skačku, «Sport Biełarusi».
Mirončyk-Ivanova kaža, što chaciełasia b davać vieru maładym atletam, nie dematyvavać ich.
«Ale ŭ suviazi z tym, što ciapier adbyvajecca ŭ śviecie, nas chutčej za ŭsio nie dapuściać na Alimpijadu. Ale ja ŭpeŭniena, što razam z Rasijaj my možam stvaryć alternatyŭnuju sistemu spabornictvaŭ. Stvaryć, navat nie vychodziačy z raniejšaj sistemy. Niachaj jana budzie nie «suprać», a budzie raźvivacca paralelna», — skazała jana.
Mižnarodny alimpijski kamitet dapuściŭ biełarusaŭ i rasijan da Alimpijady, jakaja projdzie ŭletku ŭ Paryžy ŭ niejtralnym statusie, pry hetym treba publična admovicca ad padtrymki rasijskaha ŭvarvańnia va Ukrainu, a taksama prajści kvalifikacyjnyja spabornictvy. Razam z tym kiraŭnik fiederacyi lohkaj atletyki Siebaśćian Kou zajaviŭ, što biełaruskija i rasijskija lohkaatlety nie trapiać na Alimpijady nijakim čynam.
Na apošniaj letniaj Alimpijadzie vystupali 108 atletaŭ ź Biełarusi, na hulni ŭ Paryžy pakul jość tolki 6 dakładnych licenzij
MAK vyrašaje pytańnie, ci dapuskać biełaruskich spartsmienaŭ da cyrymonii adkryćcia Alimpijady
Premjer Łatvii pra dopusk biełarusaŭ i rasijan: Rašeńnie ab bajkocie Alimpijady pavinna być pryniata raniej, čym za sutki da adkryćcia
Sabalenku i Azaranku ŭsio ž dapuściać da Alimpijady
Biełarusam dazvolili ŭdzielničać u Paralimpijadzie ŭ niejtralnym statusie
Ciapier čytajuć
Mižnarodny kryminalny sud pačaŭ rasśledavańnie złačynstvaŭ, ździejśnienych režymam Łukašenki13
Kamientary