Скакуха Мірончык-Іванова: Алімпійскія гульні без нас, без наймацнейшых — гэта не Алімпіяда
Беларускія спартоўцы, якія могуць застацца без Алімпіяды, працягваюць пераконваць у першую чаргу сябе, што спаборнічаць на эрзац-турнірах з расіянамі вельмі прэстыжна.
— Я працягваю трэніравацца, працягваю дарыць людзям нейкую матывацыю — спартсменам, гледачам, сваім заўзятарам. Не апускаю рукі і працягваю спадзявацца, што ў нас усё ж такі адбудуцца Алімпійскія гульні з нашымі наймацнейшымі спартсменамі, са спартсменамі брацкай Расіі. Бо Алімпійскія гульні без нас, без наймацнейшых — гэта не Алімпіяда, гэта матчавая сустрэча, можна сказаць, — цытуе спартоўку, якая спецыялізуецца на скачках у даўжыню і трайным скачку, «Спорт Беларусі».
Мірончык-Іванова кажа, што хацелася б даваць веру маладым атлетам, не дэматываваць іх.
«Але ў сувязі з тым, што цяпер адбываецца ў свеце, нас хутчэй за ўсё не дапусцяць на Алімпіяду. Але я ўпэўнена, што разам з Расіяй мы можам стварыць альтэрнатыўную сістэму спаборніцтваў. Стварыць, нават не выходзячы з ранейшай сістэмы. Няхай яна будзе не «супраць», а будзе развівацца паралельна», — сказала яна.
Міжнародны алімпійскі камітэт дапусціў беларусаў і расіян да Алімпіяды, якая пройдзе ўлетку ў Парыжы ў нейтральным статусе, пры гэтым трэба публічна адмовіцца ад падтрымкі расійскага ўварвання ва Украіну, а таксама прайсці кваліфікацыйныя спаборніцтвы. Разам з тым кіраўнік федэрацыі лёгкай атлетыкі Себасцьян Коу заявіў, што беларускія і расійскія лёгкаатлеты не трапяць на Алімпіяды ніякім чынам.
На апошняй летняй Алімпіядзе выступалі 108 атлетаў з Беларусі, на гульні ў Парыжы пакуль ёсць толькі 6 дакладных ліцэнзій
МАК вырашае пытанне, ці дапускаць беларускіх спартсменаў да цырымоніі адкрыцця Алімпіяды
Прэм'ер Латвіі пра допуск беларусаў і расіян: Рашэнне аб байкоце Алімпіяды павінна быць прынята раней, чым за суткі да адкрыцця
Сабаленку і Азаранку ўсё ж дапусцяць да Алімпіяды
Беларусам дазволілі ўдзельнічаць у Паралімпіядзе ў нейтральным статусе
Чакаецца новы раўнд перамоваў між Беларуссю і ЗША — літоўскі СМІ9
Каментары