Rasijanie źnizili kolkaść udaraŭ kiravanymi avijabombami — Pavietranyja siły USU
Paśla značnych strat u avijacyi rasijanie istotna źnizili kolkaść udaraŭ kiravanymi avijabombami (KAB), i ŭžo bolš za tydzień pablizu ŭkrainskich miežaŭ nie źjaŭlajecca samalot dalokaha radyjołakacyjnaha vyjaŭleńnia A-50, paviedamiŭ kamandujučy Pavietranymi siłami USU hienierał-lejtenant Mikałaj Alaščuk.
«Tak, vorah praciahvaje atakavać našy pazicyi kiravanymi avijabombami, ale padlatać zanadta blizka ŭžo nie atrymlivajecca», — napisaŭ jon.
Kiravanyja avijabomby (KAB) ujaŭlajuć adnu z hałoŭnych niebiaśpiek dla sałdat USU na froncie i dla žycharoŭ pryfrantavych haradoŭ. Rasija aktyŭna vykarystoŭvaje dla ich skidu bambaviki Su-34.
U siaredzinie studzienia stała viadoma, što ŭkrainskija siły źbili rasijski samalot dalokaha radyjołakacyjnaha vyjaŭleńnia (DRŁV) A-50 i latajučy kamandny punkt Ił-22.
A ŭ lutym kamandavańnie USU zajaviła, što ŭsiaho za dva tydni z 17 pa 29 lutaha było źbita 13 rasijskich bajavych samalotaŭ, našmat bolš, čym za papiarednija miesiacy vajny. Pryčym 10 sa źbitych samalotaŭ — bambavalniki Su-34.
Ahułam pa stanie na 29 lutaha Rasija, pavodle źviestak hienštaba USU, straciła ŭžo 345 vajskovych samalotaŭ.
Rasija ŭ bolšaści vypadkaŭ nie pryznaje stratu svaich bajavych samalotaŭ, a pravieryć hetyja źviestki niezaležna va ŭmovach vajny składana.
Ciapier čytajuć
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4545
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie45
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ1010
Kamientary