Rasijskamu žurnalistu dali siem hadoŭ kałonii pa spravie ab «fejkach» u armii. U apošnim słovie jon na kaleniach paprasiŭ prabačeńnia va ŭkraincaŭ
Kryminalnuju spravu ŭ dačynieńni da Ivanova raspačali za try publikacyi ŭ jahonym telehram-kanale.
Karaloŭski haradski sud Maskoŭskaj vobłaści prysudziŭ siem hadoŭ kałonii žurnalistu RusNews Ramanu Ivanovu, pryznaŭšy jaho vinavatym u raspaŭsiudzie «fejkaŭ» pra rasijskuju armiju. Padčas sprečak bakoŭ dziaržaŭny abvinavaŭca prasiŭ sud pryznačyć Ivanovu vosiem hadoŭ kałonii ahulnaha režymu, piša «Mieduza».
Vystupajučy ŭ sudzie z apošnim słovam, Raman Ivanoŭ staŭ na kaleni i paprasiŭ prabačeńnia ŭ žycharoŭ Ukrainy. «Ja chaču paprasić prabačeńnia va ŭsich ukraincaŭ, jakim naša kraina pryniesła hora», — skazaŭ žurnalist.
Kryminalnuju spravu ŭ dačynieńni da Ivanova raspačali za try publikacyi ŭ jahonym telehram-kanale.
U adnoj ź ich havaryłasia, što ŭ Kijeŭskaj vobłaści paśla adstupleńnia rasijskich vojskaŭ znajšli cieły zabitych ludziej, u druhoj — pra dakład AAN pra humanitarnuju abstanoŭku va Ukrainie, u treciaj paviedamlałasia sa spasyłkaj na ministra abarony RF Siarhieja Šajhu, što Rasii nie chapaje rakiet.
Ramana Ivanova zatrymali ŭ krasaviku 2023 hoda.
Raman — druhi žurnalist RusNews, asudžany pa artykule «ab fejkach» pra armiju RF. U lutym 2023 hoda pa anałahičnym abvinavačvańni asudzili žurnalistku RusNews Maryju Panamarenku z Barnauła, jakaja atrymała šeść hadoŭ kałonii. Spravu suprać Panamarenki rasśledavali z-za jaje zapisu ab avijaŭdary pa dramteatry ŭ Maryupali.
Ciapier čytajuć
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie6
Kamientary