U sankt-pieciarburhskich pablikach i miascovych ŚMI źjavilisia paviedamleńni, što horad i jaho vakolicy atakujuć bieśpiłotniki.
Žychary Sankt-Pieciarburha paviedamili pra dva hučnyja huki vybuchu ŭ rajonie porta Bronka. Ich čuli žychary horada Łamanosaŭ, jaki ŭvachodzić u skład Pietradvarcovaha rajona Sankt-Pieciarburha.
Źjaŭlałasia infarmacyja, što ŭkrainski bieśpiłotnik byŭ źbity nad Finskim zalivam.
«Pa papiarednich danych, BPŁA byŭ zaŭvažany na nizkaj vyšyni, była dadziena kamanda na paražeńnie. Spracavaŭ zienitna-rakietny kompleks, raźmieščany ŭ Łamanosaŭskim rajonie Leninhradskaj vobłaści», — havorycca ŭ publikacyi vydańnia «Fontanka».
U sacsietkach publikujuć kadry z dymam u niebie.
Na hetym fonie ŭ pieciarburhskim aeraporcie Pułkava z 19:32 byli ŭviedzienyja abmiežavańni praz pahrozu ataki BPŁA. Z aeraporta nie ŭźlatajuć samaloty, a tyja, jakija źbiralisia siadać, nakiravanyja ŭ zony čakańnia.
Pramova hetaha minskaha vypusknika na liniejcy ŭ 2020-m uzarvała internet. Što z chłopcam ciapier?3
Kamientary