Data adnaŭleńnia pieramoŭ pra ŭmovy pastaŭki nafty pa‑raniejšamu nieviadomaja
Pra heta paviedamiŭ pres‑sakratar premjer‑ministra Alaksandr Cimašenka.
Pieramovy, što prajšli 9 studzienia ŭ Maskvie, ab pastaŭkach rasijskaj nafty ŭ Biełaruś u 2010 hodzie znoŭ zaviaršylisia biezvynikova.
Pavodle zaprašeńnia vice‑premjera RF Ihara Siečyna ŭ stalicu Rasii prybyła delehacyja na čale ź pieršym namieśnikam premjer‑ministra Biełarusi Uładzimiram Siamaškam. Svaje arhumienty biełaruski bok padaŭ na asnovie pravavoj bazy dvuchbakovych adnosinaŭ, padmacavaŭšy raźlikami, raniej uzhodnienymi ekśpiertami. Adnak pieramoŭščyki z boku Rasii nie ŭziali heta pad uvahu, zaznačyli ŭ pres‑słužbie biełaruskaha ŭrada. U vyniku ŭdzielniki piśmova vykłali svaje pazicyi i zaviaršyli pieramovy, zajaviŭšy pra hatoŭnaść ich praciahvać.
Raniej nienazvany ekśpiert u naftavaj śfiery zajaviŭ RIA Novosti, što Biełaruś moža pazbavicca prapanavanych ilhotaŭ, kali budzie zaciahvać pieramovy. Pavodle jaho słoŭ, Rasija prapanoŭvaje pastavić u Biełaruś biaspošlinna 6,3 młn. ton nafty dla ŭnutranaha spažyvańnia. Minsk nastojvaje na biaspošlinnaj pastaŭcy ŭsiaho abjomu nafty, jakaja pierapracoŭvajecca na biełaruskich NPZ. Jak paviedamiŭ ekśpiert, Biełaruś prosić pavialičyć biaspošlinnyja pastaŭki nafty da 30 młn. ton i abiacaje ŭ inšym vypadku pavialičyć pošliny na tranzit rasijskaj nafty da 45 dołaraŭ za tonu (zaraz 3,9 dołara).
Kamientary