Stała viadoma, jak Karač trapiła ŭ kamitet pa vybarach pry Kaardynacyjnaj radzie
U litoŭskich miedyja napisali, što Volhu Karač zaprasili ŭ Kaardynacyjnuju radu, ale heta niedakładnaja farmuloŭka.
Na litoŭskim partale Delfi apublikavali pierakaz materyjału litoŭskaha kanała LNK, u jakim śćviardžajecca, što Volhu Karač vybrali ŭ Kaardynacyjnuju radu. Heta niapraŭda, jaje niama siarod siabroŭ KR. Ale Karač uvachodzić u arhanizacyjny kamitet pa vybarach u Kaardynacyjnuju radu nastupnaha sklikańnia.
Śpikier Kaardynacyjnaj rady Andrej Jahoraŭ patłumačyŭ, jak jana tudy patrapiła:
«KR sfarmavała hramadski arhkamitet pa vybarach. Tudy možna było patrapić pa adkrytych zajaŭkach.
U arhkamitet uvajšli roznyja struktury, u tym liku fond «Kraina dla žyćcia», Demakratyčny forum, šerah partyjaŭ, Kibierpartyzany, «Supraciŭ», Nacyjanalna-demakratyčnaja płatforma, pradstaŭniki Ofisa Śviatłany Cichanoŭskaj, Abjadnanaha pierachodnaha kabinieta, KR i inšyja. Ahułam bolš za 20 roznych struktur.
«Naš dom» taksama pradstaŭleny ŭ hramadskim arhkamitecie. Ale Volha Karač nie źjaŭlajecca siabram Kaardynacyjnaj rady. Jana moža patrapić u KR tolki kali budzie abranaja ŭ jaje skład na vybarach. Vybary adbuducca ŭ traŭni hetaha hoda.
KR padzialaje pluralizm mierkavańniaŭ. My nie možam abmiažoŭvać udzieł u vybarach pa ideałahičnych matyvach. U Litvie i inšych krainach ES, naprykład, dastatkova palityčnych siłaŭ z antyjeŭrapiejskaj pazicyjaj. Niekatoryja ź ich navat uznačalvajuć urady.
Pazicyja bolšaści KR pa pytańniach jeŭrapieŭskaha vybaru vyražanaja ŭ jaje rezalucyi ab jeŭrapiejskaj pierśpiektyvie dla Biełarusi.
Jana adnaznačna prajeŭrapiejskaja».
«Naša Niva» — bastyjon biełaruščyny
PADTRYMAĆCiapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary