«Reał» patracić na Kilijana Mbape paŭmiljarda jeŭra. U kłuba jość na heta hrošy
Forvard pryniaŭ kančatkovaje rašeńnie pakinuć «PSŽ» paśla zakančeńnia siezona i paviedamiŭ madrydskamu kłubu pra žadańnie dałučycca da jaho.
Traty «Reała» na Mbape składuć prykładna 500 miljonaŭ jeŭra. U hetuju sumu ŭvachodziać padpisny bonus dla hulca i jaho zarobak za piacihadovy pieryjad, paviedamlaje sports.ru sa spasyłkaj na ispanskija ŚMI.
Adznačajecca, što ŭ «Madryda» jość mahčymaść pakryć takija vydatki. Kab prafinansavać uhodu, kłub moža vykarystoŭvać 128 miljonaŭ jeŭra z ułasnych srodkaŭ i kredyty na sumu 265 młn jeŭra.
Akramia taho, «Reał» užo značna razhruziŭ svaju zarpłatnuju viedamaść — za minuły hod jana skaraciłasia na 78,4 młn jeŭra.
Taksama čakajecca, što dachody karaleŭskaha kłuba ad stadyjona «Santjaha Biernabieu» vyrastuć da 317 młn jeŭra paśla zaviaršeńnia budaŭničych rabot. Ciapier jany składajuć 150 młn jeŭra.
Kilijan Mbape vystupaje za PSŽ z 2018 hoda, kudy jon pierajšoŭ z «Manaka».
Ciapier čytajuć
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie44
Kamientary