Ździejśnieny samy darahi tranśfier u žanočym futbole. Ale heta prosta mizer u paraŭnańni z mužčynskimi
Rejčył Kundanandžy zabiła 33 hały ŭ 43 matčach čempijanatu Ispanii i zaraz budzie hulać u ZŠA.
Debiutant amierykanskaj nacyjanalnaj žanočaj futbolnaj lihi FK «Bej» nabyŭ forvarda Rejčył Kundanandžy z «Madryda» za rekordnuju dla žanočaha futboła sumu, piša Championat.com
Suma tranśfieru 23-hadovaha forvarda žanočaj zbornaj Zambii skłała € 735 tysiač. Futbalistka, jakaja zabiła 33 hały ŭ 43 matčach čempijanatu Ispanii, padpisała kantrakt na čatyry hady z mahčymaściu padaŭžeńnia jašče na siezon. Da pierachodu ŭ «Madryd» Rejčył vystupała za «Ejbar».
Papiaredni tranśfierny rekord naležaŭ paŭabaroncy zbornaj Anhlii Kiry Uołš, jakaja pierajšła z «Mančester Sici» ŭ «Barsiełonu». Katałonski kłub zapłaciŭ za anhličanku € 460 tys.
735 tysiač jeŭra — heta zusim mała ŭ paraŭnańni z mužčynskimi tranśfierami. Čatyry samyja darahija pierachody minułym letam u mužčynskim futbole pieraadoleli miažu ŭ 100 miljonaŭ jeŭra.
Dekłan Rajs pierajšoŭ z «Viest Chema» ŭ «Arsienał» za 116.6 młn jeŭra, Mojsies Kajsieda z «Brajtana» ŭ «Čełsi» za 116 młn jeŭra, Džud Bielinhiem z «Barusii» Dortmund u «Reał» za 103 młn jeŭra, a Chary Kiejn z «Totenchema» ŭ «Bavaryja» za 100 młn jeŭra.
Što da hetaj zimy, to futbolnyja ekśpierty skardzilisia na adsutnaść hučnych tranśfieraŭ. Tak samy darahi byŭ u 18-hadovaha Vitara Rokie, jakoha «Barsiełona» kupiła ŭ «Atletyka Paranaensie» za «niejkija niaščasnyja» 40 miljonaŭ jeŭra.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak6
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary