Jak ciapier vyhladajuć hałoŭnyja staronki suśvietnych miedyja
Navina pra śmierć rasijskaha apazicyjnaha lidara Alaksieja Navalnaha ŭzrušyła śviet.
BBC ilustruje navinu pra śmierć palityka jaho turemnym fota, a taksama raźmiaščaje apošniaje videa Alaksieja z kałonii — na im Navalny žartuje. Miedyja adznačaje, što Navalny — ščyry krytyk Pucina, i što jon znachodziŭsia za kratami z 2021 hoda pa abvinavačańniach, jakija byli šyroka ŭspryniatyja jak palityčna matyvavanyja.
Guardian zhadvaje słovy nobieleŭskaha łaŭreata, hałoŭreda «Novaj haziety» Dźmitryja Muratava — jon nazvaŭ śmierć Navalnaha zabojstvam.
The Telegraph: «Alaksiej Navalny pamior u kałonii za Palarnym kruham».
The Times: «Rasijski apazicyjanier Alaksiej Navalny pamior, śćviardžajuć turemnyja słužby».
CNN zhadvaje atručvańnie Navalnaha ŭ 2020-m, pra jakoje taksama pisaŭ uvieś śviet.
Francuzskaje vydańnie Liberation zhadvaje słovy kiraŭnika Jeŭrapiejskaha savietu Šarla Mišela, jaki ličyć: adziny adkazny za śmierć Navalnaha — rasijski režym.
The New York Times: «Rasijskija ŭłady śćviardžajuć — Alaksiej Navalny, krytyk Pucina, pamior za kratami».
The Washington Post adznačaje, što staŭleńnie pucinskaha voraha Navalnaha da Ukrainy było źmienlivym.
Jašče adzin francuzski miedyjahihant, Le Monde, piša, što navina pra śmierć Navalnaha vyklikała ŭ kiraŭnikoŭ zachodnich dziaržaŭ vielmi emacyjnuju reakcyju.
Polskaja Gazeta Wyborcza adznačaje, što pres-sakratarka Navalnaha Kira Jarmyš jašče nie paćvierdziła infarmacyju pra jaho śmierć.
«Naša Niva» — bastyjon biełaruščyny
PADTRYMAĆČytajcie taksama:
U kałonii raptoŭna pamior Alaksiej Navalny
Navalny identyfikavaŭ hrupu rabotnikaŭ FSB, jakija atrucili jaho «Navičkom» — rasśledavańnie
Chrysta Hrozieŭ pra śmierć Navalnaha: «Jon urešcie byŭ zabity Pucinym siońnia»
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»1414
Kamientary
Vied́ tam pohibli diesiatki tysiač čiełoviek.