Supracoŭniki milicyi zaviali kryminalnuju spravu suprać kiraŭnicy Doma polskaha ŭ Iviancy Teresy Sobal.
Supracoŭniki milicyi zaviali kryminalnuju spravu suprać kiraŭnika Doma polskaha ŭ Iviancy Taresy Sobal, jakaja źjaŭlajecca siabram niepryznavanaha ŭładami Sajuza palakaŭ na Biełarusi na čale z Anžalikaj Borys.
Na dadzieny momant Taresa Sobal znachodzicca ŭ jakaści padazravanaj: suprać aktyvistki niepryznavanaha ŭładami Sajuza palakaŭ uzbudžana kryminalnaja sprava pavodle častki II artykuła 210 Kryminalnaha kodeksa Respubliki Biełaruś.
Supracoŭniki Vałožynskaha RAUSa abvinavačvajuć žančynu ŭ złoŭžyvańni, jakoje palahaje na tym, što ŭ 2004 hodzie pavodle zahada tahačasnaha kiraŭnika Sajuza palakaŭ Tadevuša Kručkoŭskaha Dom polski ŭ Iviancy atrymaŭ materyjalnuju dapamohu biez rehistracyi.
Staršynia hałoŭnaj rady Sajuza palakaŭ Andrej Pačobut ličyć, što dziejańni ŭładaŭ u dačynieńni da Taresy Sobal nosiać pravakacyjny charaktar:
— Minuła ŭžo 5 hadoŭ z taho času, a heta značyć, što minuŭ termin daŭniny, paśla jakoha pryciahnieńnie da adkaznaści zakanadaŭstvam nie praduhledžana. Niehledziačy na heta, milicyja ŭzbudžaje kryminalnuju spravu, a Teresie Sobal pahražaje sudovaje raźbiralnictva, što na moj pohlad vyhladaje, jak čarhovaja represija ŭ dačynieńni da aktyvistaŭ niepryznavanaj uładami arhanizacyi.
Kanflikt vakoł Doma polskaha ŭ Iviancy praciahvajecca niekalki miesiacaŭ. Šmatlikija sproby pradstaŭnikoŭ biełaruskaj ułady prymusić Taresu Sobal i siabroŭ arhanizacyi pierajści ŭ praŭładny Sajuz palakaŭ, jakim kiruje Stanisłaŭ Siamaška, nie prynieśli pośpiechaŭ. Ciapier stała viadoma, što pravaachoŭnyja orhany zaviali na aktyvistku pałanijnaj arhanizacyi kryminalnuju spravu.
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami23
Kamientary