Pačatkovy košt majomaści — 358 442,2 rubla. Heta kala $111 tysiač. Aŭkcyjon pavinien adbycca 27 lutaha.
Na elektronnym aŭkcyjonie «Bielurzabieśpiačeńnie» vystavili na tarhi nieruchomaść Valeryja Capkały — trochpakajovuju kvateru z mašyna-miescam u Minsku.
Kvatera znachodzicca ŭ domie № 5 na vulicy Čarnyšeŭskaha. Ahulnaja płošča žylla — 103,7 m2. U kvatery zarehistravany adzin čałaviek.
Paviedamlajecca, što ŭ kvatery jość ubudavanyja šafy, kandycyjanier, kuchnia, vyciažka, varačnaja panel.
Razam z žyllom pradajecca parkovačnaje miesca ŭ padziemnaj aŭtastajancy.
Daŭžnikom ličycca Valeryj Capkała. Adznačany prablemnyja rečy: aryšt śledčych orhanaŭ, zabarona rehistracyjnych dziejańniaŭ, sudovaha vykanaŭcy. U kvatery zarehistravany adzin čałaviek.
Pačatkovy košt majomaści — 358 442 rubli 20 kapiejek. Aŭkcyjon pavinien adbycca 27 lutaha.
Valery Capkała ŭ minułym kiravaŭ Parkam vysokich technałohij. Dla ŭdziełu ŭ prezidenckaj kampanii 2020 hoda jon sabraŭ inicyjatyŭnuju hrupu, jeździŭ pa krainie. Adnak CVK admoviŭ jamu ŭ rehistracyi praz toje, što sabranych podpisaŭ paśla pravierki akazałasia mienš za sto tysiač. Uletku 2020 hoda Capkały ź dziećmi źjechali ź Biełarusi. Na radzimie Valeryja Capkały zavočna prysudzili da 17 hadoŭ kałonii ŭzmocnienaha režymu.
-
Biełarus zrabiŭ vintažny ramont u 178‑hadovaj kvatery ŭ styli «babušatnik» i robić na joj biznes. Pahladzicie, jak vyjšła
-
«Žorstki łoft». U «Minsk-Śviet» zdajuć studyju z hołymi ścienami — ludzi šakavany canoj
-
U Hrodnie pradajuć kvateru z krutym vidam na Farny kaścioł i Savieckuju płošču. Cana taksama ŭražvaje
Kamientary
Franieka Viačorko