Piensijaniera asudzili za ŭdzieł u maršy ŭ 2020-m — jaho znajšli pa fotazdymku ŭ pierapiscy znajomaj
U sudzie mužčyna raspavioŭ, što na akcyju jon admysłova pryjechaŭ ź vioski na mašynie. A kali ŭbačyŭ pratestoŭcaŭ ź simvolikaj, to dałučyŭsia da ich.
Vasila Rubcova sudździa Maryna Klimčuk pryznała vinavatym pavodle č. 1 art. 342 Kryminalnaha kodeksa (aktyŭny ŭdzieł u dziejańniach, jakija hruba parušajuć hramadski paradak).
Na sudzie Vasil Rubcoŭ pryznaŭ vinu ŭ poŭnym abjomie. Jon raspavioŭ, što pra praviadzieńnie pratesnaha marša ŭ kastryčniku 2020 hoda jon daznaŭsia ź internetu. Na akcyju jon admysłova pryjechaŭ ź vioski na mašynie.
Kali ŭbačyŭ pratestoŭcaŭ ź simvolikaj, to dałučyŭsia da ich.
Mužčyna pryznaŭ, što vychodziŭ na prajeznuju častku darohi, dzie jaho znajomyja sfatahrafavali jaho ź nieviadomaj asobaj, u jakoj pry sabie mieŭsia płakat z pratesnym łozunham.
Kala 16:00 jon syšoŭ z maršu. Vasil na pracesie adznačyŭ, što łozunhi pratesnaha charaktaru na maršy jon nie vykrykvaŭ, hučna nie chłopaŭ.
Piensijaniera znajšli pa fotazdymku z marša, jaki milicyjanty vyjavili ŭ pierapiscy jaho znajomaj pry ahladzie jaje telefona. U pastanovie suda adznačajecca, što ruch hramadskaha transpartu padčas maršu nie ažyćciaŭlaŭsia pa pryčynie «znachodžańnia jaho sumiesna ź inšymi asobami na prajeznaj častcy darohi». Na fotazdymkach, jakija pakazali mužčynie na sudzie, jon apaznaŭ siabie.
U asnovu prysudu pakłali pakazańni samoha mužčyny.
Vasila Rubcova zatrymlivali ŭ miežach hetaj kryminalnaj spravy, ale adpuścili da sudu pad zakład 18 500 rubloŭ.
Sudździa Maryna Klimčuk pryznačyła piensijanieru dva hady i šeść miesiacaŭ abmiežavańnia voli biez nakiravańnia ŭ papraŭčuju ŭstanovu adkrytaha typu («chatniaj chimii»).
Paśla taho, jak prysud nabudzie moc, zakład viernuć mužčynie, a taksama admieniać aryšt na jaho majomaść.
Minsk siońnia viečaram pahruziŭsia ŭ ciemru. Paśla zahadu Łukašenki51
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary