Vysnovu, što Valeryj Załužny ŭžo nie Hałoŭnakamandujučy USU, možna zrabić z paviedamleńnia ŭ telehram-kanale prezidenta Ukrainy Uładzimira Zialenskaha.
«Sustreŭsia z hienierałam Valeryjem Załužnym.
Padziakavaŭ za dva hady abarony Ukrainy.
Abmierkavali, u jakich abnaŭleńniach majuć patrebu Uzbrojenyja siły Ukrainy.
Abmierkavali taksama, chto moža być u abnoŭlenym kiraŭnictvie Uzbrojenych sił Ukrainy.
Čas dla takoha abnaŭleńnia — mienavita ciapier.
Prapanavaŭ Valeryju Fiodaraviču i dalej być u kamandzie», — napisaŭ Zialenski.
U svaju čarhu, Załužny taksama napisaŭ pra hetu sustreču:
«Tolki što my sustrelisia ź Viarchoŭnym Hałoŭnakamandujučym. Važnaja i surjoznaja razmova. Pryniata rašeńnie ab nieabchodnaści źmieny padychodaŭ i stratehii.
Udziačny ŭsim, chto pobač. Kamandzie Hienieralnaha štaba, Ministerstva abarony, Prezidentu Ukrainy. Ja hanarusia kožnym i kožnaj va Uzbrojenych Siłach Ukrainy, jakija abaraniajuć budučyniu našych dziaciej. Usimi sałdatami, siaržantami i aficerami. Schilaju hałavu pierad usimi, chto addaŭ svajo žyćcio za Ukrainu i svabodu. Pomnim i adpomścim za ŭsich».
Pakolki ŭ abodvuch paviedamleńniach jość namioki, ale nie pišacca pra adstaŭku adkrytym tekstam, u ŚMI i vykazvańniach roznych palitykaŭ i ahladalnikaŭ možna zaŭvažyć razychodžańni ŭ traktoŭkach. Adnyja ličać, što heta aznačaje adstaŭku Załužnaha, inšyja — što jon zastajecca.
Nieŭzabavie, adnak, ministr abarony Ukrainy Rustem Umieraŭ napisaŭ: «Siońnia ŭchvalenaje rašeńnie źmianić kiraŭnictva Uzbrojenych sił Ukrainy»
«Ukrainskaja praŭda» sa spasyłkaj na krynicy piša, što rychtujecca ŭkaz ab zvalnieńni Załužnaha z pasady.
«Z Załužnym vidavočnaja reč: Zialenski nie moža im kiravać». Ukrainskaje hramadstva i vojska napružyłasia ŭ čakańni losavyznačalnaj adstaŭki
Daradca Bajdena: ZŠA nie pavinny ŭmiešvacca ŭ pytańnie Załužnaha
Ukrainskija ŭłady prainfarmavali administracyju ZŠA ab rašeńni zvolnić Załužnaha — The Washington Post
Čamu Zialenski choča źniać Załužnaha? Čatyry pryčyny
Ciapier čytajuć
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva1
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary
Pryznačył V.AZialenski ..Syrskaha...