Biełaruscy prapanavali zarabić 18 tysiač rubloŭ za karotki taniec. I jana spraviłasia
U tyktok-akaŭncie biełaruskaha Domino's vykłali videa, na jakim rabotnica ŭstanovy Kacia vykonvaje nieskładany, ale vielmi enierhičny taniec. Pres-słužba kampanii prapanavała padpisčykam pakidać kamientary pad pastom, paabiacaŭšy vydać dziaŭčynie premiju, suvymiernuju z kolkaściu pakinutych paviedamleńniaŭ. Ludzi adhuknulisia i mahutna raskrucili ličylnik, piša Telegraf.news.
Za dva dni — pa stanie na viečar sierady, 7 lutaha — rolik nabraŭ 3 młn 200 tys. prahladaŭ i 52 tysiačy kamientaroŭ — u asnoŭnym chvalebnych i karotkich nakštałt «Kaciucha, davaj!»
Praŭda, jašče raniej u kampanii paviedamili, što «premijalny ličylnik» spynili na adznacy ŭ 18 tysiač.
«My zrabili stop na 18k kamientaŭ. Premii i videa być», — udakładnili ŭ pres-słužbie kampanii.
U kamientarach tut ža zapatrabavali źniać videa, jak Kaci ŭručajuć premiju. I papiaredzili: «Kali što, pryjdziem usioj płojmaj» i «admovimsia ad spažyvańnia picaŭ».
Kamientary