Što heta takoje i navošta patrebna jahonaje ŭviadzieńnie.
U Biełarusi tranzakcyi ź ličbavym rublom pamiž fizičnymi asobami, jurydyčnymi asobami i bankami buduć zapuščany ŭ 2026 hodzie, piša Office Life.
Nacbank nie čakaje rezkaha adnarazovaha źnižeńnia likvidnaści bankaŭskaj sistemy z-za ŭviadzieńnia ŭ abarot ličbavaha rubla.
Ličbavy biełaruski rubiel tolki častkova zamienić jak najaŭnyja, tak i bieznajaŭnyja hrošy na rachunkach u bankach.
Pry hetym mahčymy adtok hrošaj ź biahučych raźlikovych rachunkaŭ, adnak banki zachavajuć mahčymaść pryciahnieńnia dastatkovaha abjomu fandavańnia ŭ siarednieterminovaj pierśpiektyvie.
Adaptacyja biznesu i nasielnictva da abarotu ličbavaha rubla budzie adbyvacca pastupova. Nacbank budzie padtrymlivać likvidnaść bankaŭ dla kampiensacyi adtoku hrašovych srodkaŭ klijentaŭ, źviazanaha z papaŭnieńniem ličbavych rachunkaŭ.
Sa svajho boku banki zmohuć rabić zachady, jakija abmiažoŭvajuć pieratok hrošaj na ličbavyja rachunki. Jany buduć nakiravany nie tolki na pavyšeńnie dachodnaści ad raźmiaščeńnia srodkaŭ na bankaŭskich rachunkach, ale i na stvareńnie bolš spryjalnych umoŭ pa absłuhoŭvańni klijentaŭ, jakija stymulujuć ich trymać srodki ŭ banku.
Nacbank pryznaje, što kali budzie zabiaśpiečana mahčymaść kanviersii (abmienu) ličbavaha biełaruskaha rubla ŭ ličbavyja valuty centrabankaŭ inšych dziaržaŭ ź nizkimi vydatkami, heta moža pavysić vałacilnaść na finansavym rynku Biełarusi. Adnak kankurencyja pamiž ličbavymi valutami budzie stymułam dla pavyšeńnia manietarnaj dyscypliny, što pasłužyć bolšaj pryvabnaści ličbavaha biełaruskaha rubla.
Asnoŭnyja stanoŭčyja nastupstvy vypusku ličbavaha rubla dla finansavaj sistemy i finansavaj stabilnaści zaklučajucca ŭ stvareńni dadatkovaj apłatnaj infrastruktury, pamianšeńni tranzakcyjnych vydatkaŭ, a taksama ŭ efiektyŭnaści vykarystańnia inavacyjnych płaciežnych instrumientaŭ dla bankaŭ.
Vałodajučy dastatkovaj kolkaściu instrumientaŭ padtrymki likvidnaści bankaŭ, Nacbank maje namier nie dapuścić nieabhruntavanaha razryvu ŭ finansavańni ekanomiki pry najaŭnaści płaciežazdolnaha popytu na kredyty z boku klijentaŭ i rostu pracentnych stavak pa kredytach.
***
Kančatkovaja meta prajekta ličbavaha rubla — pravodzić transhraničnyja płaciažy ŭ ličbavych valutach centralnych bankaŭ. Płatformy ličbavych valut centrabankaŭ palepšać dastupnaść transhraničnych płaciažoŭ z kontrahientami z krain-partnioraŭ, što stała asabliva aktualna siońnia.
U Nacbanku ličać, što ŭviadzieńnie ŭ abarot ličbavaha rubla stvoryć «šerah pieravah dla nasielnictva, biznesu, bankaŭ i dziaržavy». Pry hetym budzie zapatrabavany funkcyjanał smart-kantraktaŭ, jakija stvarajuć novyja finansavyja servisy dla klijentaŭ.
Banki i finansavyja arhanizacyi atrymajuć dachody, absłuhoŭvajučy smart-kantrakty, prapanoŭvajučy novyja pradukty i pasłuhi.
Ličbavy rubiel — heta zakonny płaciežny srodak, jaki vykonvaje funkcyi hrošaj, emituje jaho Nacbank u bieznajaŭnaj formie.
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny26
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary