U sudzie Poznani prachodzić praces pa spravie 35-hadovaha biełarusa Alaksandra, jakoha abvinavačvajuć u ździajśnieńni DTZ sa śmiarotnym vynikam i kiravańni aŭtamabilem u stanie apjanieńnia. 31 studzienia abvinavačvańnie zapytała dla jaho 7,5 hadoŭ pazbaŭleńnia voli i pažyćciovaje pazbaŭleńnie pravoŭ. Prysud budzie abvieščany 9 lutaha, paviedamlaje Reform.by.
DTZ adbyłosia 9 lutaha 2023 hoda. Kiroŭca Uber źbiŭ 26-hadovuju viełasipiedystku, jakaja pierajazdžała prajeznuju častku pa viełapierajeździe. Kiroŭca sprabavaŭ akazać paciarpiełaj dapamohu, ale dziaŭčyna pamierła na miescy zdareńnia.
Śledstva ŭstanaviła, što kiroŭca pieravysiŭ chutkaść (67 km/h zamiest dazvolenych 50 km/h). Taksama było ŭstanoŭlena, što kiroŭca znachodziŭsia pad upłyvam narkatyčnych rečyvaŭ u kancentracyi, ekvivalentnaj 0,5 pramile.
Alaksandr na sudzie śćviardžaŭ, što ŭ toj dzień nie kuryŭ marychuanu, ale ŭžyvaŭ jaje za niekalki dzion da avaryi. Abvinavačany taksama zajaviŭ, što aŭtamabil byŭ častkova niaspraŭny.
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary