U centry Minska prapanujecca vielmi dziŭnaja kvatera. Tam adzin unitaz prosta na kuchni, druhi — u šafie
I naohuł tam usio vielmi dziŭnaje.
Na došcy abjaŭ ab zdačy nieruchomaści ŭ Minsku jość unikalnaja prapanova. Zdajecca adnapakajovaja kvatera ź dźviuma prybiralniami. Pryčym adzin unitaz znachodzicca prosta na kuchni, pobač ź plitoj, a druhi — u šafie, piša Blizko.by.
Kvatera raźmieščana niedaloka ad płoščy Pieramohi pa adrasie vulica Płatonava, 3. Taki adras ukazany tekstam, i hety ž dom paznačany na karcie. Adnak dakładna viadoma, što heta nie žyły dom, a budynak haspadarčaha albo vytvorčaha pryznačeńnia.
Taksama paznačana, što heta cahlany 5-paviarchovy dom, ale ŭ tym rajonie takich niama zusim. Najbližejšaja žyłaja cahlanaja piacipaviarchoŭka na Płatonava — heta damy 31 i 33, bližejšyja da vulicy Hikała. Tak što adras u abjavie niapravilny.
Adnapakajoŭka na trecim paviersie ahulnaj płoščaj 33,6 kvadratnaha mietra maje žyłuju płošču 18,9 kv. m i kuchniu płoščaj 6 kv. m.
Zrešty, tut pytańnie, što ličyć kuchniaj: toje pamiaškańnie, dzie staić plita, a pobač ź joj — umantavany ŭ padłohu ŭnitaz, ci toje pamiaškańnie, dzie rakavina i hryl-pieč, a pobač — šafa, praź jakuju adkryvajecca dostup da jašče adnoj prybiralni.
Miarkujučy sa zdymkaŭ, abiedźvie prybiralni asnaščany davoli śviežaj santechnikaj z sučasnymi padvodkami i, mabyć, abiedźvie ž vykarystoŭvajucca. Sanvuzieł, jak skazana ŭ abjavie, raździelny.
U kvatery vielmi šmat dyvanoŭ, i navat bałkon ababity dyvanami, u tym liku kufar dla zachoŭvańnia bulby.
Choć kvatera znachodzicca na 3-m paviersie, z boku pakoja na voknach stajać kraty.
Adznačajecca, što ŭ kvatery vykanany kaśmietyčny ramont i jość Wi-Fi.
Kvateru achvotna zdaduć studentam, siamiejnym param, rabočym, žycharam z žyviołami za 681 rubiel u miesiac (abo prykładna 215 dalaraŭ).
Ciapier čytajuć
Były viadučy BT, jaki zvolniŭsia ŭ 2020-m i vyjechaŭ u Słavakiju, raskazaŭ, jak žyvie ciapier2
Kamientary
https://vg-saveliev.livejournal.com/561331.html
hena moža kvaterka mamy majho adnahrupnika? pamiatajecca, jon ź ćviatočkami na ekzamien niejak pryšoŭ... prepad była rada, usia pram raśćviała i pastaviła jamu kaniečnie najlepšuju adznaku... a potym my daviedalisia, što ćviatočki jon z kłumby pa darozie sar vaŭ . . .