Byvaje i takoje. Sud u Viciebsku spyniŭ administracyjnuju spravu za «ekstremizm»
U łukašenkaŭskaj sudovaj sistemie takoje zdarajecca vyklučna redka. Sudździa suda Pieršamajskaha rajona Viciebska Michaił Jurčanka 27 śniežnia nie staŭ karać za «ekstremizm u sacyjalnaj sietcy» biespracoŭnaha žychara Viciebska Eduarda Tarkanoŭskaha, piša «Viciebskaja viasna».
Upieršyniu administracyjnuju spravu sudździa Jurčanka razhledzieŭ miesiacam raniej, 27 listapada, adpraviŭšy jaje na dapracoŭku. Paśla taho, jak dakumienty viarnulisia ŭ sud, sprava była razhledžana pa sutnaści.
Milicyja abvinavaciła Eduarda ŭ tym, što jon pačynajučy z 2020 hoda byŭ padpisany na šeść telehram-kanałaŭ, jakija ŭłady ŭnieśli ŭ «respublikanski śpis ekstremisckich materyjałaŭ».
«Pravaparušalnik» na sudzie svajoj viny nie pryznaŭ, admaŭlaŭčy, što zachoŭvaŭ materyjały z metaj raspaŭsiudžvańnia.
Zasłuchaŭšy arhumienty Tarkanoŭskaha i daśledavaŭšy dokazy, jakija źmiaščalisia ŭ materyjałach spravy ab administracyjnym pravaparušeńni, sudździa pryjšoŭ da vysnovy, što pakarać mužčynu ŭ ramkach č. 2 art. 19.11 KaAP niemahčyma, «pakolki pradstaŭlenyja sudu dokazy adnaznačna i biassprečna nie paćviardžajuć fakt učynieńnia adznačanaha pravaparušeńnia».
Michaił Jurčanka viadomy ŭ Viciebsku jak sudździa, jaki aktyŭna ŭdzielničaje ŭ palityčnym pieraśledzie, jon razhledzieŭ šmat takich spraŭ, vynosiačy abvinavaŭčyja prysudy. Naprykład, mienavita jon vynies prysud u dva hady kałonii viciebskamu art-mieniedžaru Uładzimiru Bułaŭskamu i daŭ 9 hadoŭ Siarhieju Dumavie.
Čytajcie taksama:
U Homieli za palityku paciarpieŭ jašče adzin praŭładny prafsajuźnik
Za videa z vajskovaj technikaj inžynieru z Bresta dali try z pałovaj hady kałonii
Žychar Navapołacka patelefanavaŭ u milicyju i skazaŭ «Słava Ukrainie». Jamu prysudzili 15 sutak
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary