Hramadstva99

U Francyi pradajuć z aŭkcyjonu jachtu z załatym korpusam, jakaja nibyta naležała biełaruskamu miljarderu

Praz hod paśla taho, jak jachtu ŭpieršyniu vystavili na prodaž, jaje źbirajecca pradać z aŭkcyjonu francuzskaje ahienctva kanfiskacyi aktyvaŭ za pałovu pieršapačatkovaj cany.

Jachta «Stefanija». Fota: Aprask

Francuzskaje ahienctva sudovaha prodažu Agrasc zamoviła aŭkcyjon supiersudna Stefania, jakoje atrymała ŭznaharodu BOAT Design & Innovation 2022. Jachta amal novaja, z napłyvam na asnoŭnych ruchavikach usiaho 200 hadzin i amal biez drapin na korpusie, piša «Radyjo Svaboda» sa spasyłkaj na The Maritime Executive.

Jachtu Stefania pabudavała Dynamiq, firma z Manaka na karabielni ŭ Turcyi. Heta samaje vialikaje sudna karablebudaŭnika, jaho daŭžynia składaje 135 futaŭ (41 mietr), i maje charakterny afarbavany zołatam korpus. U interjery sudna jość redki karabielny kamin.

Jachtu Stefania skanfiskavali padčas rasśledavańnia ab admyvańni hrošaj nienazvanym biełaruskim miljarderam. Padrabiaznaści spravy, jak i imia biełarusa, nie raskryvajucca.

Jak paviedamlajecca, sudna znajšli ŭ Baljo-siur-Mer, raskošnaj havani dla jachtaŭ pamiž Nicaj i Manaka.

25 studzienia jachtu pradaduć na aŭkcyjonie ŭ žyvym efiry, jaki adbudziecca na viertalotnaj placoŭcy Mižnarodnaha jacht-kłubu Antyb. Prodaž paznačany ŭ katałohu aŭkcyjanistaŭ pad nazvaj «Kab złačynnaść nie akuplałasia». Čakajecca, što łot atrymaje kala 8-10 miljonaŭ dalaraŭ. Košt brokierskaj kampanii za sudna tolki ŭ minułym hodzie byŭ u dyjapazonie 20 miljonaŭ dalaraŭ.

Prodažam ad imia Agrasc zajmajecca aŭkcyjonny dom De Baecque. Francuzskaje ahienctva pa kanfiskacyi majomaści takoje ž novaje, jak i jachta: jano było stvorana ŭ 2021 hodzie z metaj centralizacyi i arhanizacyi ŭsich kanfiskacyj aktyvaŭ pravaachoŭnymi orhanami.

Kamientary9

  • Žora
    22.01.2024
    Vo. A vy tut 500 tys na palitviaźniaŭ usioj tałakoj raz na try hady ledź naškrebli.
  • mieč pravasudździa
    22.01.2024
    Vicia jachtu zhubiŭ? Dyk voś čamu Jeŭratorh z Kipra pierabieh pad jurysdykcyju saudzitaŭ, jeŭrapiejcy ŭziali śled. Biažycie biažycie, siońnia śviet taki, što vy svaje miljardy nie schavajecie, ŭsio vierniecca da biełaruskaha naroda. Choć kožny tydzień latajcie ŭ Arabiju na śvim biźniedžiecie, ale psavać stasunki ź Jeŭropaj i ZŠA praź niejkaha caŕka nie buduć navat araby. 
  • Maziepin
    22.01.2024
    Krachabory.

Ciapier čytajuć

Maładuju kaspłejščycu kinuli ŭ kałoniju za «zakliki da pryčynieńnia škody Biełarusi»

Maładuju kaspłejščycu kinuli ŭ kałoniju za «zakliki da pryčynieńnia škody Biełarusi»

Usie naviny →
Usie naviny

«Dziaržava ličyć, što ŭ hetym prajekcie, jak i ŭ joj samoj, jość načalniki». Jak žyvie biełaruskaja Vikipiedyja padčas represij2

Navukoviec raskazaŭ pra budučyniu cialat, jakich naradzili biełaruskija karovy ad zubra2

U Hrodzienskim zaaparku lisa-babula stała mamaj dla małych lisianiat VIDEA

Pierastaŭ adkryvacca sajt «Viačerniaha Babrujska»

Chedłajnieram kancerta paśla viełakarnavała «Viva, Rovar» budzie Stas Pjecha1

Kaleha pamierłaha vykładčyka Ščukina: Jaho kinuła žonka ź dziećmi, pačałasia depresija. U vyniku zvolnili za prahuły11

Stała viadoma, kudy pajšła pracavać Mis Biełaruś — 2023 Eleanora Kačałoŭskaja14

Na pradpryjemstvie «Minskprambud» uviali źniešniaje kiravańnie

Zialenski naviedaŭ knižny kirmaš i kupiŭ knihu «Zabić tyrana»1

bolš čytanych navin
bolš łajkanych navin

Maładuju kaspłejščycu kinuli ŭ kałoniju za «zakliki da pryčynieńnia škody Biełarusi»

Maładuju kaspłejščycu kinuli ŭ kałoniju za «zakliki da pryčynieńnia škody Biełarusi»

Hałoŭnaje
Usie naviny →

Zaŭvaha:

 

 

 

 

Zakryć Paviedamić