Italjanski aŭtamabilny brend Lancia rychtujecca da prezientacyi novaj madeli, jana budzie pieršaj paśla viartańnia brenda.
Novaja Lancia Ypsilon musić chutka źjavicca ŭ prodažy. Dniami navinku ŭpieršyniu možna było ŭbačyć biez kamuflažu — u Miłanie pad čas zdymak rekłamnaha roliku.
Bolš za 10 hadoŭ biez navinak
Aktualnaja Lancia Ypsilon vypuskajecca z 2011 hoda, u 2015 hodzie pieražyła restajlinh, a pačynajučy z 2016 hoda Ypsilon zastavaŭsia adzinaj madellu ŭ madelnym šerahu.
Takim čynam Lancia Ypsilon čaćviortaha pakaleńnia stanie pieršaj navinkaj vytvorcy pačynajučy z 2011 hoda.
Razam ź joj brend Lancia vierniecca na jeŭrapiejski rynak. Bo apošnija hady adzinaj krainaj, dzie pradavalisia aŭtamabili marki Lancia, była Italija. Takim čynam, na niekalki hadoŭ z suśvietna viadomaj marki z bahataj ralijnaj historyjaj Lancia pieraŭtvaryłasia ŭ nacyjanalny brend.
Jakim byŭ popyt na papiaredniuju madel?
Adnak, niahledziačy na najaŭnaść tolki adnoj madeli, na radzimie Lancia Ypsilon karystałasia popytam. U 2019 i 2021 hadach Ypsilon treciaha pakaleńnia padymaŭsia na druhi radok u śpisie samych pradavanych aŭto ŭ Italii.
U novuju eru Lancia prychodzić biez dyzielnych ruchavikoŭ. Lancia buduć vypuskać tolki z hibrydnaj ustanoŭkaj i ŭ całkam elektryčnych varyjantach. Čakajecca, što aŭtamabil budzie pabudavany na adnoj płatformie z Peugeot 208 i Opel Corsa.
Lancia budzie adroźnivacca ad adnapłatformiennych Peugeot i Opel nie tolki adsutnaściu tradycyjnych ruchavikoŭ unutranaha zharańnia. Lancia adnosicca da premijalnych brendaŭ, tamu jakaść vykanańnia i azdableńnia Ypsilon budzie našmat bahaciejšaj. Naturalna, što i cana budzie bolšaj.
Naprykład, tak było ŭ vypadku ź itała-francuzskimi minivenami, jakija adnačasova vypuskali pad markami Peugeot, Citroën, Fiat i Lancia. Apošnija zaŭždy adroźnivalisia bolš bahatymi kamplektacyjami, Lancia azdablalisia tolki topavymi ruchavikami, mieli bolš prestyžny źniešni vyhlad.
Paśla viartańnia na ahulnajeŭrapiejski rynak Lancia stanie paŭnavartasnym premijalnym brendam. U płanach na bližejšyja hady vypusk krasoviera i jašče adnaho chetčbeka.
Čytajcie taksama:
U Biełarusi abnavili aŭtamabilnuju aptečku. Źjaviŭsia novy važny elemient
U Biełarusi pradajecca Jetta VA3, ale heta nie VW i nie VAZ. Kolki kaštuje?
«Pradajecca tolki na RF». Jak u Biełarusi źjaŭlajucca aŭtamabili ź Jeŭropy, jakija nielha nabyć miascovym
Ciapier čytajuć
Śpiavačku Meryjem Hierasimienka na praciahu dvuch hadoŭ źbivaŭ muž40
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary