Polšča aryštavała 20-hadovaha biełarusa pa zapycie biełaruskich siłavikoŭ
U Biełastoku zatrymali 20-hadovaha hramadzianina Biełarusi, abvieščanaha ŭ mižnarodny vyšuk za kradziež hrošaj z bankaŭskaha rachunku i handal narkotykami dy psichatropami z vykarystańniem falšyvych receptaŭ. Pra zatrymańnie paviedamili ŭ palicyi Biełastoka, piša Most.
Zatrymanaha šukali pa čyrvonaj kartcy Interpała, zapyt na aryšt nakiravali ź Biełarusi.
Miž tym u mižnarodnaj sudovaj praktycy ŭžo byli precedenty, kali biełarusaŭ, zatrymanych pa zapycie biełaruskaha boku, Biełarusi ŭrešcie nie vydavali.
U kastryčniku 2023 hoda na ŭjeździe va Ukrainu zatrymali ŭradženca Pružan, jaki sprabavaŭ trapić u krainu z Polščy pa polskim prajaznym dakumiencie dla inšaziemca. Nahodaj stała čyrvonaja kartka Interpała. Ale sud admoviŭ u ekstradycyjnym aryšcie, spasłaŭšysia na toje, što «ŭ adnosinach ź Biełaruśsiu niemahčyma zachavańnie mižnarodnych pahadnieńniaŭ ab pravavym supracoŭnictvie pa hramadzianskich i kryminalnych spravach».
U lutym minułaha hoda ŭ Nieapali na zapyt biełaruskich uładaŭ zatrymali Uładzisłava Hirysa, jaki pryjechaŭ u Italiju ŭ adpačynak z Polščy. Aficyjna jaho šukali pa spravie ab machlarstvie. Tady italjanski sud pryznaŭ zapyt režymu Łukašenki palityčnym pieraśledam i vyzvaliŭ biełarusa paśla troch miesiacaŭ aryštu.
Ciapier čytajuć
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ6
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary